香港網民評選TVB年度最爛劇集，第一竟然系。。。

:0:0

香港網民評選TVB年度最爛劇集，第一竟然系。。。近年無線大部分慨劇集都被網民彈多過贊，不過沒有最爛，只有更爛。有網民就喺網上舉辦左一個近年爛劇排行榜俾其他網民投票，唔知各位心目中慨極品爛劇有冇上榜呢？

第五位《張保仔》作為台慶劇，無線耗資3000萬去為呢套劇集製作CG效果，不過就被網友寸爆話佢啲CG特效系小學雞level只值900蚊。再者劇情被批唔合理、話佢炒《尋秦記》加《加勒比海盜》等呢啲都已經司空見慣。不過最令觀眾心煩慨當然系洪永城同陳凱琳超爛慨演技啦！身為男主角慨洪永城就被網民鬧佢鬼祟眼，零演技、而女主角陳凱琳就更加俾批評到體無完膚，話佢演技生硬，經常尖叫更加令人反感。仲俾影帝黃秋生當眾批評佢太多小動作「好滋擾」，睇到一半已經頂唔順熄電視。

第四位《金枝欲孽二》《金枝欲孽貳》最低收視只得19點（約122萬觀眾），令到當初《金枝欲孽》的神話宣告幻滅。究竟衰羊呢？有網民指套劇集節奏太慢，角色太多太複雜，令到觀眾難以消化及明白。而佢的慨對白又長又唚，搞到觀眾差啲瞓著。而且當時無線為左捧一班小花苟芸慧、楊秀惠等演繹其中要角，但系佢的廣東話又唔正，根本無人聽得明佢的講羊。而且劇中又經常出現崑曲戲份，令到一班觀眾難以接受。就連主角鄧萃雯都表示好後悔接拍呢套劇集，仲傳因為咁同無線不歡而散。

第三位《實習天使》又系另一套洪永城擔正慨作品，劇集一出街就備受批評，俾人鬧劇情謬誤多多，有違常理，同現實慨護士工作大相逕庭。雖然話搵左個專業顧問，但系護士帶住手套四圍摸，之後唔換手套繼續工作，如果現實中真系咁就無人敢去醫院架啦。不過亦有樂觀網民指呢套系「香港電視史上第一套Cult片」，劇情變態到走火入魔，不過膠得好好笑咁話。

第二位《僵》萬眾期待，有Kay BB孭飛慨《僵》一開始就被網民話佢抄亞視《我和殭屍有個約會》嚟對打ViuTV，一啲創意都無。雖然今次劇集好有誠意咁遠赴荷蘭取景，可惜觀眾就覺得似系Kay慨音樂特輯多啲。同張保仔一樣，今次又喺特技出事，再一次被嘲小學雞級數之餘，更有網民指佢連十多年前慨《我和殭屍有個約會》級數都不如。而一眾主角亦當然走唔甩被鬧爆啦！Kay第一次做女一，就被網民狠批不但演技差，三十幾歲人仲經常扮可愛好難頂，唔知有無同老公討教演技呢？而佢對50米慨雙眼皮同塊面都俾網民話好假，簡直彈多過贊。而好少被批評慨鄭嘉穎今次都賴野，佢今次長發留須look就俾人話佢似元華，甚至有網民話佢今次演技差添，不過一日未去到大結局，觀眾都有可能改觀慨～

第一位爛劇王《神探高倫布》當時同《金枝欲孽貳》一齊播出慨《神探高倫布》大幅拋離其他劇集，有網民認為當時系最「黑暗」慨兩個月。雖然呢套劇集比起《金枝欲孽貳》劇情較為瘋狂，但系亦令到觀眾邊睇邊鬧。首先，宣傳慨時候俾左觀眾錯覺以為繫懷舊神探喜劇，但點知原來系講科幻，完全偏離觀眾的想像。之後劇情膠到觀眾都睇唔明，當時李添勝就解釋話觀眾一定要安安靜靜睇先會明白。而馬賽飾演慨金伊娃同黎耀祥飾演慨高倫布喺劇中展開忘年戀，不停叫對方做「布布」、「娃娃」、「布布」、「娃娃」，第一次做女主角慨馬賽21分鐘狂嗌35次「布布」令到網民頂唔順，被網民評為十年難得膠劇。當然《神探高倫布》都系浪得虛名，主要原因系成套劇節奏緩慢，成日無啦啦出現唱歌劇情嚟間場，時空不停交錯，劇情重口味等等。