港人仲打算生BB？請諗清楚先決定

:0:0

如果你係香港人又仲打算係香港生BB？請諗清楚先決定，因為一不小心可能害左下一代
好多時你唔理政治，但政治往往就喺大家生活之中，無可避免。1月7日，係香港人值得記住嘅日子。
從來喺香港生小朋友都係一件成本好高嘅事，講嘅除咗係金錢、時間之外；香港呢一個環境，亦根本令人非常擔心小朋友嘅成長。

我知，好多人覺得釋法、人大、立法會呢啲字眼好煩，無興趣，唔想睇，「我討厭政治」。

好，今日不談立場，不過經過尋日之後，仲有人可以否定我哋宜家係生活緊嘅係「廣東省香港市」咩？
好多時你唔理政治，但政治往往就喺大家生活之中，無可避免。

只可以話經過尋日，相信過往曾經對香港有一絲希望嘅人，都應該會死心，仲打算喺呢度生仔嘅，應該都係勇士之中嘅勇士。
養兒一百歲，長憂九十九，喺香港，恐怕係長憂101（連靈位都要搶架！）

如果你仲猶豫緊應唔應該生小朋友，不如睇睇下以情況，先再決定！

香港填鴨教育

香港教育制度有幾好？你睇我哋自稱每個月讀30本書嘅吳克儉局長就知啦！
要填鴨有填鴨，要國教有國教，要普教中有普教中，唔止呀，仲有大量雙非學童、新移民同你仔女爭學位、做同學，
個仔得閒返到屋企仲同你講幾句鄉下話，話係跟同學學嘅，生仔？儲定錢送去外國讀書啦。
幫仔女儲定錢買樓

香港樓價癲，唔講將來，單係宜家有幾多年輕人可以純靠自己上到車？

莫講話將來人口愈嚟愈多，爭樓住嘅情況只會更嚴重，如果你有小朋友，好儲定錢幫佢畀首期，為仔女「盡孝」，
令佢成為有父幹母幹嘅一群，先叫對得佢住呀，喺香港做人父母嘅，一定要生生性性嘛。（好似係）
小心飲鉛水

香港飲鉛水問題都係不了了之咗，初初話要追究責任，當然都係無咗件事，亦無政府官員需要問責，預咗嘅；
如果你有小朋友，就一定要留意食水、食物問題，畢竟對小朋友發育有莫大影響。

溫提大家一次，有鉛水問題嘅建築承建商，唔單止負責起公屋，有好多豪宅都一樣係佢哋負責起。
鉛水問題，無人肯孭鑊，最後受害嘅都係大家。
法治已死

除咗尋日嘅釋法事件，香港嘅三權分立愈來愈模糊，甚至好多人質疑香港法治已死，法治喺香港最重要基石，但君不見近年幾多法律上唔公平嘅事件出現，律政司對人不對嘅情況愈多。
你今日教仔女日後唔好行差踏錯，但你點知幾十年後，阿爺已經將「法」釋到一個點樣嘅地步？你唔行差踏錯，一樣可以受害。

[圖擷取自網路，如有疑問請私訊]