新加坡DJ爆粗插機場炒麵︰「X難食呀！」連我屋企隻狗仔都唔食啦~~~

香港素有「美食天堂」的稱號，世界各地美食應有盡有，外國甚麼名店老字號都會選擇在香港插旗。既然係天堂，各場地旅客對香港食物自然有所期待。不過日前有4名新加坡電台節目主持人在香港機場食飯，由於買到的食物實在太難食，所以忍唔住拍片爆粗怒插︰「幾X難食呀！」香港，又再次衝出國際…




片段中見到四位新加坡主持人唔咗唔少食物，有炒麵、飲品和某連鎖快餐店的食物等，其中兩盒炒麵幾乎冇食過似的。隨即一位男主持邊以筷子拍打著炒麵，邊爆粗指︰「我哋千辛萬苦買咗呢堆麵嚟食啊，幾X難食呀！」


而另一男主持講得更誇張︰「香港機場煮啲咁嘅麵，連我屋企隻狗仔都唔食。」而另一女主持亦加把嘴︰「係咪rubber band(橡筋)嚟㗎？」


呢位眼睛大大、廣東話口音同金剛好相似的主持就話，佢剛剛食咗碗完全冇味道的粥，搞到要係咁加豉油，不過… 佢話加完豉油都係冇味道，佢食開咁重口味？

幾位主持將香港機場的食物踩到一文不值，續稱︰「香港機場嘅餐廳代表香港，咁都拎出嚟賣？」、「講真吖，我哋使咁多錢買咁多嘢嚟食，唔係我哋浪費，係唔好食呀。」


鬧完食物後，佢哋更要求香港藝人為此發聲︰「希望香港嘅藝人，杜汶澤先生，好心你啦，出嚇聲啦。仲有曾志偉，出嚇聲啦。」

去到片尾，四位主持人準備上飛機，不過其中一人亦有說話未曾講，臨上機都要袋錢入大家袋：「唔識炒麵我教你炒吖，切啲香菇絲呀，叉燒落去炒一炒都有味啲嘛。」






[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁