《幕後玩家》擂台！「大婆」龔嘉欣、「小三」劉佩玥被惡搞變拳手

:0:0

龔嘉欣（Katy）同劉佩玥（Moon）因劇集《幕後玩家》裹面大婆斗小三嘅一角而人氣急升，唔少網民都大讚佢哋演技有進步，Katy爆喊嘅演技亦令網民非常受落，唔少網民都認為佢嘅喊戲有曬起承轉合，演得層次分明，仲話力撐佢今年攞硬獎呀，總之就系一喊上位啦！

而阿Moon 都唔輸蝕，近年嚟拍嘅角色都引起關注，最近更喺《幕後玩家》裹面扮演小三扮到上曬位，戲內佢不時性感大曬事業線，又施展唔同嘅手段同Katy力爭Bosco，真系睇到觀眾嘩嘩聲！好多網民都大讚佢做得出色，同以往乖乖女嘅形象好唔同，真系好有突破！

而尋日《幕後玩家》就終於大結局，唔少網民都有注意到個終劇中系點樣。喺劇中，Bosco 最終同Katy講對唔住，仲希望佢可以搵到個好男人照顧到佢同個女，同埋要徹底忘記佢。而Katy最後亦都原諒患重病嘅Bosco ，最後仲影咗張全家福㖭，場面非常感動。好多網民都留言話好心酸，睇到眼濕濕，Katy喊到好慘。而阿Moon 就為咗心愛嘅Bosco ，殺死下毒嘅黃翠如，仲要狂插幾刀，網民都話佢夠曬狠，真系愛到Bosco死呀！總之就兩個都做得好好，兩個喺今年嘅《萬千星輝頒獎典禮》，究竟鹿死誰手，大家都好期待呀！

鍾志光做評述就嚟喺台慶頒獎禮，myTV SUPER都專登製作一段搞笑短片《飛躍進步女藝員前哨戰》，將Katy同阿Moon依對大婆斗小三，喺擂台上決一高下。片中，佢哋都被Key成為肌肉拳手，造型非常搞笑。除咗佢兩個當然唔少得一班打氣團啦，大婆（Katy）當然就有奶奶（馮素波）、囡囡（心心）撐場，佢哋亦都變身成隊友，落力為Katy打氣。

而小三（Moon）繼續貫徹喺戲裹面嘅性格，得戚咁進場，勢要同Katy決一生死呀。除咗佢哋造型搞笑外，仲有一向做體育節目主持嘅鍾志光做評述，網民都搞笑話成個比賽都好專業，仲話今次結果真系好緊張，唔知邊個好打啲呢？總之佢哋依對大婆斗小三嘅決戰系未完嘅，由戲內鬥到戲外，結果系點18號就知，大家真系要密切留意呀！