【潛規則】毒L狂呻：識女朋友每次都食白果

:0:0

五年來我追咗都有廿次，每次都失敗。失敗的意思係未去到表白的地步就被KO。
我唔吸引，但比我樣衰又有女的應該都有。我追既唔係話好靚，當然我自己覺得幾好。亦唔覺得佢地有邊個係好現實。因為我從未被問及薪酬或者有無物業。
我承認我係無話題亦無氣質唔醒目無創意，我唔知這是否關鍵。
這些女仔有啲係公司其他部門識、有興趣班識、也有在每天上班的車上識，亦有親友鄰居介紹。自己識既見面時有講有笑，攞到電話以為得米，點知難關在whatsapp。

追所有女仔都要先過whatsapp嗰關，我當然有準備話題 (都不外乎吃喝玩樂，我根本一竅不通，每次都花很多功夫搜集資料) 但係得出既回覆都係不出五個字既，例如"係咩", "哦", "係", "唔知"等等。都有試過女仔主動開話題，但係佢講煲劇，我唔睇劇，我真係唔知點接落去。所以大部份都係whatsapp期因未能滿足女仔而夭折。咁耐以來可以約到出來的女仔只有四個。不過我一樣係無可以吸引到對方的話題，我本身寡言，喜歡聽多過講，我以為女人比男人多嘢講，就索性對佢地講。但係一約會女仔好似想同我玩鬥邊個先講就輸。我同個女仔喺街行咗五分鐘一粒聲都無出，我無情趣兼轉數低，我真係諗唔到有乜好講。不到兩分鐘對方開以玩手機，又玩完。

佢地最俾我既訊息係「我不在乎你」。對我來說無所謂，早啲知好過遲啲知。不過令我耿耿於懷的係我始終掌握唔到個遊戲規則，我唔識玩，我唔知點討好女仔令人對我有興趣。我參考過好多書，點樣學做到細心體貼，學講嘢，扮搞笑，都係fail(當然可能係我學得唔足)。
近大半年我無再搵了，親友再話介紹都推了。四十歲了，該認輸。純粹舒口氣發牢騷，當笑話睇吧。
網友回應：
你自己問題媾唔到女，就話係女性難討好。。。