【右軚版來年中投產】BMW Concept Z4大咗成個碼

Photos: BMW Press寶馬同豐田聯手合作嘅跑車計劃（Z4/Supra）講咗幾年，寶馬呢邊嘅新Z4啱啱公布，實物已經亮相美國加州圓石灘（Pebble Beach）汽車節，我哋將於稍後補充由廠方發放嘅活動圖片。

Concept Z4將於喺下月法蘭克福車展（IAA）現身，但最快要到來年初先投產，右軚版要年中先出貨。

驟眼望Concept Z4比上代Z4大部好多，有更強烈嘅肌肉感，如果將佢同第一代Z4嘅圖片對照，更加覺得Z4 Concept喺觀感上好似一部6系Coupe。要論實際尺吋，就要等多一陣，留意寶馬公布嘅詳情。


陸嘉偉（Calvin Luk），寶馬設計師，今代X1出自佢手筆。Calvin澳洲出生，父母來自香港，Calvin大學畢業後到美國修讀汽車設計









英國傳媒估計，Concept Z4嘅投產版，喺推出初期將配兩款2公升直四Turbo引擎，最大馬力分別為185匹及252匹，另有360匹3公升直六Turbo引擎。有八速自動波，有冇棍波呢？未知。至於新Supra會唔會真係冇棍波呢？網上流傳好多「只有AT」說法，急到冇用，十月底東京車展自有分曉。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁