【車壇嘅未來靠你哋喇】德國Formula Student 2017

Photos: Formula Student Germany 2017繼奧迪（Audi）、寶馬（BMW）宣布參戰電動方程式（Formula E），保時捷（Porsche）最近亦表態玩埋一份。 照咁睇，電動方程式嘅前景真係唔錯，或者應該咁講，電動車已經喺歐洲已經係大氣候，但電動車始終仲係新技術，好需要新一代嘅汽車工程從業員入行，尤其是喺中學生或大學生。




今年Formula Student Germany（簡稱FSG）2017，除咗上述幾間車廠，多間德國汽車零部件製造商都有贊助，福士（Volkswagen）更加贊助咗五支參賽隊伍。 比賽分多個組別同項目，砌部車出嚟，當然唔係淨鬥馬力、鬥「扭樽」扭得快啦。評分重點之一，係要團隊計算製車成本、整項計劃匯報表現、工程設計水平等等，當中亦涉及噪音及相關環評，所以都幾複雜，正正係咁，更考驗到成班同學嘅合作同協調。









今年參賽車輛約95%都選用電力驅動組合，只有少量隊伍選擇以引擎車上陣。參賽隊伍來自英、美、德、俄、法、意、土耳其、以色列、奧地利、匈牙利、瑞典、印度、西班牙、瑞士、克羅地亞、斯諾文尼亞，仲有中國上海同濟大學隊。如果有香港嘅學生參加就好喇，我好想做贊助人，多就無能為力喇，幾千蚊港紙幫補下機票，都仲拎得出嘅。 真心希望香港出多啲喺世界車壇具影響力嘅汽車工程師。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁