天然呆馬明頒獎禮例牌陪跑酸爆表示：似帶住班盲嘅跑手

:0:0

《萬千星輝頒獎典禮》仲有唔夠一個月就舉行，每年嘅視帝視后都係大家最關心嘅話題！早前台慶時已經頒發《TVB馬來西亞星光薈萃頒獎典禮》同《星和無綫電視大獎》嘅視帝、視后，分別由袁偉豪同黃智雯獲得。上年憑住《降魔的》提名最佳男主角的馬國明，一直係視帝大熱之選，點知最後都只係得到最喜愛男角色。一眾網民都好希望每次都陪跑嘅馬明能夠有一次拎到獎！
閱讀全文
天然呆馬明4次入選最佳男主角，但每次都同視帝擦身而過，好多網民都戥佢唔抵啊！上次馬明套《降魔的》角色非常入屋，個個都睇好馬明拎視帝，但最後都大熱倒灶！

馬明今次憑《宮深計2深宮計》再次提名角逐視帝，喺早前嘅《TVB馬來西亞星光薈萃頒獎典禮》同《星和無綫電視大獎》錯失新加坡視帝，睇嚟今次奪帝機會都唔大！

對於被網民稱為「陪跑王」，佢表示無唔開心，仲笑講自己唔係陪跑，而係領跑。馬明仲酸爆咁話自己係帶住班盲嘅跑手，「我係跑得快過佢哋，贏咗我唔攞獎，留畀俾佢哋攞，邊個攞獎都咁開心，大家睇好我證明我朋友多而唔係好戲。」

唔少網民都心疼馬明年年得個睇字，表示：「好酸啊」、「希望馬明BB可以有一次拎到視帝啦」！

膠通消息來源：蘋果日報
睇埋：心穎BB迫婚失敗收場　馬國明食完唔埋單：佢無叫我娶佢喎！馬國明同心穎BB黃心穎已經多次傳婚訊，無幾耐之前宣萱先爆佢地結咗婚，兩位當事人梗係循例否認啦，不過最新發展係話馬國明食完唔肯埋單，原因竟然係心穎BB迫婚失敗。

是咁的，事緣馬明早前飛到去澳洲咁很遠，出席心穎BB家姐個婚禮，又被記者影到拖手行街，又挽晒手袋咁，仲同心穎BB屋企人齊齊影全家幅，個個以為好事近，點知今日今日(28日)馬國明為一間火鍋店開張做嘉賓，又再一次否認，仲話心穎BB從來都無叫馬明娶佢喎！

有記者就問馬明，心穎BB曾經透露老豆年紀大，想老豆可以見到佢結婚，馬國明既回應係：「佢冇同我講過喎」仲話心穎BB想專心事業，同外間傳心穎恨嫁恨到出晒面係完全兩個版本，似係馬明唔想結婚多啲喎。

被問到幫女友挽手袋，馬明就大方回應：「我平時都幫阿媽挽手袋啦，一啲都唔介意喎。」

其實馬明都4張幾野，年紀都唔細，都差好多要諗結婚架啦，係就唔好再拖人啦。
TVB十大女神　馬國明真識揀！靚女人人都鍾意睇，但係人人心目中都有唔同標準！唔知馬國明係根據咩準則揀出以下呢10個TVB女神呢？嘩，有幾個都係佢老死嘅女朋友嚟㗎喎！唔通真係「朋友妻，咪走雞」⋯⋯馬國明笫一個人選竟然唔係女友黃心穎！佢首先講咗幾個名，分別係朱千雪、李佳芯、岑麗香同張曦雯，呢幾個靚女應該無人有異議啦呱。