[有片]男友射嚟射去出事 女友：可唔可以對準啲！ | 真心膠 | 膠Hub
有時候啲男仔都真係幾要面，係女友面前要幫威，但又要唔係真係勁，如果一唔小心令到喜劇變成悲劇就唔好啦。話說係美國紐約就有個男仔同女友去酒吧玩時，男友就話想show下自己射飛鏢嘅實力俾女友睇，點知……真係又要威又唔戴頭盔！閱讀全文個個男仔想係自己女朋友面前威係正常嘅，但唔小心啲，真係會造成意外發生……事關男友想證明下自己射飛鏢嘅能力，就要女朋友坐鏢靶下面做障礙物。
一開始大家都幾開心，仲有講有笑。而當男朋友射第一支飛鏢時，飛鏢就咁啱擦過女仔嘅頭髮，釘住係牆上。好彩係頭髮，如果射落中左頭，後果真係不堪設想……
見到咁，女朋友都唔覺得驚，仲邊笑邊攞低支飛鏢咁話：「啱啱嘅感覺就好似射中左我頭上面嘅蘋果咁。」
野都未講完，櫈都未坐暖，男方二話不說咁射出第二支飛鏢，仲要不偏不倚咁射中女友嘅右眼，嚇到女朋友即刻將飛鏢拔掉，摀住右半邊臉。
=雖然就咁睇片都唔知係咪真係中左入隻眼，但根據當地傳媒報道，話個女仔已經送往醫院治療，但未知傷勢如何。
唉，希望各位巴打要威之前真係要諗清楚，小心威唔成仲令悲劇發展……
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
秋天的頻道
