翠如BB拍節目熱到中暑　巫師用呢種療法對住佢個頭噴..

近排夏天又熱辣辣，真係好難頂好易中暑，黃翠如最近大爆錄節目嘅時候，因為大熱中暑而暈低。除咗嚇親蕭正楠，一眾翠如嘅粉絲都好擔心翠如。Cap嚟見我
翠如BB自爆有一次喺亞馬遜拍節目嗰時，由於當地氣溫成40度，搞到佢錄錄下節目中暑暈低，同行巫師即刻用古老療法救她，喺佢頭頂噴煙令佢醒返。翠如BB仲話嗰次拍節目遇到好多奇怪事，因為巫師俾咗啲草藥佢食，令佢見到啲奇怪嘢：「傳聞吃那些藥可以看到前世今生，我見到自己雙手變了樹木，返港後更胃炎3個月，今次都是幾特別的經歷。」




翠如BB成日要拍旅遊節目，又成日周圍去旅行，萬一去啲危險地方，又冇蕭正楠喺隔離嘅話都唔知點算，不過翠如話：「我是拍這類節目出身，一向喜歡接近大自然及原始地方。」，其實翠如BB識照顧自己㗎啦，大家唔駛太擔心，一於繼續睇翠如BB上鏡啦！




翠如bb同蕭正楠因為拍攝劇集《師奶Madam》而擦出愛火花，至今佢地已經一齊咗四年，感情好穩定，仲成日傳出婚訊，不過最近爆出翠如bb原來已經有3個孩子，唔知蕭正楠聽到有冇嚇親？翠如bb日前出席「助養．童享快樂旅程」記者會，喺記者會首次公開原來依家助養緊兩個女同一個仔，真係想嚇死人咩？


翠如bb助養嘅小朋友分別係6歲女芭依，同11歲仔拜諾。佢話自己曾親身赴孟加拉當地探望助養嘅女兒，仲同囡囡講「我叫她不淮拍拖和這麼早結婚，因為當地比較窮，而且好多童婚問題，女孩子13歲就要嫁人，就叫她努力讀好書。」。


雖然翠如bb好有愛心，不過佢從未見過班助養嘅小朋友：「一直都有書信來往，未見面時幻想他們是高大點的，去到見到女兒似三歲，兒子亦都好矮，那邊經濟不好一日只吃一餐飯。」翠如bb話自己幫到幾多得幾多，「這次的體驗很特別，確實有做媽媽的感覺，我很享受。」



翠如bb仲幫蕭正楠填表申請成為助養者，依家只差佢簽名：「他其實也知道當地的情況的，我希望有天可以和他一起去，但首先他要成為助養者先，這次是一個很好的生命體驗。」






[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁