地獄廚神回歸大洗底　網民：果陣隔住個mon都聞到！

:0:0

全新一輯《美女廚房》上星期播出，不過換上三位新主持，新環節又唔多討好，搞到觀眾們都紛紛懷念舊一輯節目！講到經典場面，當然要提日本模特兒椋名凜炮製的臭豆辣椒蝦及喇沙米粉，臭到一眾主持人戴著口罩試食，食完仲要狂嘔！事隔多年，椋名凜如今已經係五個小朋友的媽媽，而且入得廚房出得廳堂，廚藝大進喎！
Cap嚟見我
新一輯《美女廚房》口碑差有新一輯《美女廚房》睇，本來觀眾都相當期待，但主持換上阿Bob、蕭正楠及張振朗，同上一輯的鄭中基、方力申、梁漢文實在係無得比，結果第一集出街，效果似乎強差人意，主持功力一般、節目氣氛普通。

農夫救全家好在第一集嘉賓有出晒名搞笑的農夫，不停大放笑彈，先令節目可觀性高番啲。不過有比較之下仲慘，農夫似乎將三位主持完全比下去，唔少網民留言話，如果唔係有農夫就熄咗機啦！

那些年地獄廚神椋名凜今輯節目暫時麻麻，於是網民們紛紛重溫經典，講到經典場面，當然要提日本模特兒椋名凜的一集！節目中椋名凜著住件心口穿窿圍裙雖然吸睛，但廚藝實在不敢恭維，佢炮製的臭豆辣椒蝦及喇沙米粉，臭到一眾主持人戴著口罩試食，食完仲要狂嘔！

都係大師林敏聰夠膽色，走埋去拎起兜「美食」，之後又逼椋名凜自己食番！

靚女都唔係大晒㗎！煮到咁叫人點食…

肥仔食到跑走當年節目有邀請觀眾試食環節，有個「好假的肥仔」慘被抽中，喺林敏聰脅持下試食，結果食完即刻跑離錄影現場！

性感女神變幸福人妻講番女主角先，椋名凜早年喺香港發展得相當順利，成為街知巷聞的性感女神，2010年夏更加推出噴血寫真集，但同年年尾卻突然消失，原來係因為回國奉子成婚！椋名凜於2011年11月下嫁職業車手高村直樹，2013年時曾接受本刊訪問，當時仲帶埋2歲大仔哉衣及7個月次女香里奈～

一家七口樂悠悠椋名凜婚後做個幸福人妻，專心相夫教子，依家仲有成5個小朋友咁多！睇番椋名凜的近照，佢似乎都keep得幾好，更比以前多了一份成熟和賢淑，典型的日本靚太～
真正「美女廚神」更重要的是，那些年的地獄廚神，現時廚藝大進，見到佢不時喺IG上載精心炮製給孩子的便當照片，望落款式多、賣相精美，而且多菜少肉，小朋友們真有口福！椋名凜回覆傳媒時，表示生小朋友後一直努力鑽研廚藝，現時煮得一手好菜。睇嚟佢已經成為真真正正的「美女廚神」啦！
重溫椋名凜噴血經典1979年出生的椋名凜現年38歲，早年曾獲封「日版Paris Hilton」，多年前膽粗粗隻身來港發展，身為日本索女本身已經加晒分，椋名凜更擁有迫爆火辣身材，肯搏肯露，走性感路線殺出一片天！依家一齊重溫經典噴血照～