16歲女爭取4萬蚊零用錢　‘‘公主病係呀媽一手造成’’ | 真心膠 | 膠Hub

:0:0

唔知大家細細個嗰時有幾多零用錢呢？肥仔黎我就…緊係唔話你知啦！相信好多人唔夠零用錢駛嗰時，都會想盡辦法令父母俾多啲。美國加州有個16歲有錢女唔滿意呀媽cut零用錢，於是喺一個清談節目公開所有嘢向呀媽施壓，令呀媽屈服。閱讀全文
美國加州16歲有錢女尼科莉特（Nicolette Gray）因為唔滿意呀媽尼娜（Nina）將自己零用錢由每月5,000美元（3.9萬港元）cut到得返1,000美元（7,800港元），決定喺一個清談節目公開所有嘢向呀媽施壓。

兩母女上咗英國早晨節目《This Morning》，尼科莉特話自己每月要幾千美元零用錢：「我購買錢包、手袋、珠寶、衣服及其他各種東西，我有時甚至會為母親買一個袋」，佢嫌依家零用錢唔夠駛，「（比華利山）的生活水準較任何地方都高，我（生活質素）並非高水平」。佢覺得自己嘅公主病係呀媽一手造成。

有邊個呀媽唔錫自己個女㗎？尼娜承認自己寵壞咗個女，但尼科莉特反駁：「所以這是你的問題，這是你一手搞出來，因此你必須負責，你讓我在比華利山長大，你就要自己處理，我很抱歉」。

唔夠零用錢可以出去做嘢姐，不過尼科莉特就唔肯返工，淨係試過「網上工作」賺錢。佢話：「我已經過着很好的生活了，為甚麼還要工作？」而尼娜係單親媽媽，做醫生平時要返六日工，因為冇咩時間陪個女所以用物質做補償。

尼娜雖然試過cut呀女零用錢，但最後都係屈服：「我很累了，放工回家後她一直在抱怨又發牢騷……給她信用卡及零用錢是更容易的方法，一了百了。每一位媽媽都為子女給予一切，我想大部份媽媽都會嘗試這樣做……所以我決定將零用錢提至5,000美元水平，讓她好好享受。」尼科莉特喺IG拎住錢拍片話自己零用錢已經變返之前咁，依家每月有5,000美元（3.9萬港元）。

有錢唔緊要，但如果晒命話自己有錢，又點計？有個讀香港專上學院嘅大專生，喺FB就出Post話「自從入左CC，生活開支好大，同屋企人傾過，要加零用，點知最後……」究竟發生咩事？

事情是咁的，個大專生喺香港專上學院返學，自己就覺得依家只係得好少零用，實在唔夠支撐日常開支，佢就自己List咗個表俾佢Daddy睇：
– 早餐$40 （大家樂/太興/奧海food court）
– 午餐$60 （同fd奧海food court多）
– 夜晚 $150（多數出街mk食）
– 有時宵夜糖水$40
所以，佢話如果當返20日學，飲食開支每月可達$5800

之後，每月會用$1500裝身，同fd去玩（放假睇戲、shopping、迪士尼）樣樣都係錢。個大專生話：「我而家得10000一個月，咁少零用肯定唔夠，你估我仲係中學咩！」「我同屋企人講，至少要15000，我大專喇！」咁佢屋企就好順攤，話$15000都OK！大專生仲話，「我聽到真係好感動，我會努力讀書！」
肥仔黎睇完，只係覺得大專生喺度晒命，好多網民見到都對佢作出負評。

被人話到咁，大專生又點會唔反擊？所以大專生又借個FB專頁，又出多個Post回應。

全文如下：
一個post就睇到你班人窮酸味出哂黎我萬五蚊一個月零用錢係我幸福有個傻仔衝出黎柒 JM9
對於個窮光蛋話「我X你個hi hi 唔撚死都冇用錢都未識搵就學人洗」我真係笑死你出世邊個養大你？我零用錢多就要我去死咩道理你有你窮我有我富做咩要咁仇富呢有錢要享福死左仲點享
佢仲話「出到黎做野又買車又買樓係咪10萬都唔夠洗？我中學個時每個月得500蚊搭下車」，無錯我十萬唔夠又點唔通人地買名牌你唔俾人買？我有家底唔可以洗大少少？
佢仲話「你條廢柴同我講1萬蚊唔夠洗？仲要唔係自己搵睇見就嬲」，我覺得你唔好嬲因為你窮做人要有骨氣唔通你嬲完會發達？認命啦
故事教訓你唔好衝出黎柒
咁成篇嘢嘅大概意思係「我有錢，你理得我」，之後，再次俾人圍攻！