【爆笑系列】2018最無腦港姐　網民爆笑：真係好蠢好on9

《2018香港小姐競選》今個星期日就有得睇啦，呢屆港姐都真係多咗好多大熱人選，雖然唔係個個都好好身材，不過都叫要樣有樣。早前候選港姐拍咗條才藝表演片，嘩！認真笑死人！佢哋唔單止要才藝冇才藝，連智慧都差緊啲囉。Cap嚟見我
早前大台拍咗條港姐街訪，肥仔黎我就精選咗幾round，一齊睇下班候選港姐點答啦！
今次就請嚟1號蘭倚婷、4號鄧美欣、9號工藤佑采、11號李明芙同19號楊帆玩街訪，問咗好幾條問題。最好笑係佢哋有啲答案好無喱頭，真係十萬個黑人問號都搞佢哋唔掂。




Round 1知唔知今年港姐口號係咩？工藤佑采係最醒嗰個，起碼記得開頭嗰句「Be the best」，之後主持講個正確答案叫佢讀多次，佢將「rest」讀做「red」，認真不得了。


蘭倚婷仲好笑，問佢句英文口號叫咩，佢個表情心諗「唔L係啊，問我英文，我唔識喎！」



不過身為候選港姐，連口號都唔記得…真係幫你唔到。
結果Round 1冇人嬴！Round 2電視台見到好多前輩，見到汪明荃叫Liza姐，見到鄭裕玲叫Dodo姐，咁薛家燕點嗌佢？薛家燕就緊係皆大歡喜嘅「嘻呀嘻呀」啦！


呢個仲堅，Sky燕叫…家燕姐姐，家姐媽媽囉，個重點係「Sky燕」，「Sky」啊！


嗱！呢個就醒呢，識得叫家燕姐，遲啲留係大台一定大把世界，邊到似楊帆亂答。


結果Round 2 蘭倚婷同鄧美欣嬴！Round 3唐詩「床前明月光」，下一句係咩？答案1：床前明月光，疑下地上心？？？我諗你識嘅，讀得唔正姐係咪？我實信你㗎！

答案2：床前明月光，地圖思故享？算啦！唔好搞大佢，不給返去讀好啲中英文先啦！
好！正確答案係「床前明月光，疑是地上霜」啊！最醒係你兩個啦！


結果Round 3 鄧美欣同李明芙嬴！Round 4獎門人點叫呀？工藤佑采一句「獎門人點會嗌呀」，肥仔黎我都唔知話你叻好定唔叻好，不過之後冇啦啦喺度「hey」，大佬啊！「hey」係家燕姐嚟㗎！


呢兩個就搞唔掂啦…


最醒又係你兩個啦！連嬴兩round！


結果Round 4 鄧美欣同李明芙嬴！最終回牛唔飲水，下一句係咩？答案1：牛唔飲水，我想要飲水？

答案2：牛唔飲水，無低頭？定係牛唔飲水，唔飲水我低頭？


答案3：牛唔飲水，呀媽叫你去飲湯，之後去做功課？


好！正確答案係「牛唔飲水，點撳得牛頭低」，肥仔黎我淨係記得「牛唔飲水，唔行得後樓梯」。


結果Round 5 工藤佑采同李明芙嬴！最終由11號李明芙勝出，不過今屆港姐係就係好樣咗，不過唔係好夠智慧咁囉，肥仔黎我諗星期日真係有排笑，等睇好戲！

【HiHi街街訪港姐IQ題 – Part 1】
又係一高一矮、一肥一瘦、一凹一凸，點解呢兩條友可以同陸永、C君爭咁遠？扮農夫都算，仲要偷偷涉位同今年入圍香港小姐玩IQ題？！#HiHi街街訪 #SeeSeeTVB #bigbigchannel #香港小姐2018
Posted by See See TVB on Thursday, 23 August 2018
Cap by：See see tvb


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁