呢位哥仔手執七間上市公司　落街竟然被豬肉佬串廢青

:0:0

一個踢拖落大埔街市買餸嘅男人，被檔販誤會係廢青，但實情佢唔單止係傑青，白手興家之餘，仲要手執七間上市公司。搞到班巴打都忍唔住講句：「佢啲仔女先係大贏家」
閱讀全文
呢位唔單止係傑青，白手興家之餘，仲要手執七間上市公司嘅，就係比華利獅子會創會會長黎偉業。唔講唔知，黎偉業擁有三幢比華利山別墅，而且仲有140間公司，有七間係上市公司，業務範圍由飲食、旅遊、電競、創科，甚至連醫療都有。

黎偉業強調自己非富二代，讀中學時會做part time、買賣二手書搵外快。黎偉業仲表示，發達過程要數到20幾年前，同朋友夾份租工廈並改裝為迷你寫字樓，免費為大學生創業，成立一人公司。

而呢班大學生就為自己創作嘅產品搞活動去推廣，當時嘅黎偉業就幫手四圍聯絡廣告商搵贊助，從中賺取廣告費，而成功賺到人生第一桶金。

因為家中除了太太、兩個仔仔之外，仲有司機、女傭、保鏢，為數十多人，一日三餐都係由佢下廚。黎偉業回憶當年大仔啱啱出世，佢踢住拖，拖住太太，再抱住阿仔去買餸。當時撞正阿仔感冒流鼻涕，可能個豬肉檔老闆經常見到黎偉業，竟然語重心長表示：「後生仔我見你仔細老婆嫩，日日行街市買嘢咁無聊，不如俾心機搵份工，唔好再做廢青。」

黎偉業自爆當時拎住豬肉都唔知點講好，可能自己日日落街市，外加個長髮Look，令人誤會自己係廢青！但其實黎偉業唔單止唔係廢青，早於2016年，黎偉業便獲頒全球華人傑青代表。

黎偉業坦言當初外父、外母都唔想將個女嫁俾佢，甚至去到過大禮果日，佢先有機會見到太太果邊啲親戚。黎偉業表示曾聽過有親戚問佢「係唔係做髮型屋？」當佢回應「樣樣都有做」，當時親戚嘅反應係：「哦，原來抄散！」當時太太介紹佢果陣其實有透露黎偉業嘅職業係一位生意人，但果陣外母要求上佢公司參觀，仲爆出笑料！

黎偉業笑言外母上到公司見到班職員恭恭敬敬咁叫自己「老闆」，出入坐名車、同保鏢跟隨之餘，寫字樓裝修又十分華麗。外母唔單止無放心個女嫁俾佢，竟然擔心咁講咗句：「你做黑社會，賣白粉啊？」仲叫太太小心啲自己。黎偉業依然笑笑口，並表示自己雖然外表隨意，唔似一個有錢人，但佢就無意去改變自己，認為日久見人心！佢相信真心做朋友嘅話，係唔會以貌取人！嘩～即刻明串外母喎！