低智能方程式車神再現將軍澳　巴打：為咗扒頭可以去到幾盡？ | 真心膠 | 膠Hub

:0:0

個個都以為自己係秋名山車神，唔通個個都係秋名山車神咩！睇得多《頭文字D》成日都會幻想自己係周杰倫，但現實中原來西貢又真係有位隱世車手喎。有車cam就錄低左呢位車手揸住架私架車為左扒頭竟然剷上石壆，成架車上晒石壆都差少少翻側架啦，不過架車又好好彩完好無缺，成功四輪着地，繼續行駛！
閱讀全文
早排喺社交網站就流傳緊一條車 cam 既片，事情就發生係西貢往將軍澳坑口厚德對出既迴旋處。

有架白色既小型貨車係迴旋處路口停低，尾隨私家車疑收掣不及，所以直剷石壆。

車身一度傾側，順利越過前面架白色貨車，不過差少少就同拍片架車相撞，險過剃頭，好彩最後成功四輪落地。

有網民表示：「我細個睇高智能方程式，多數都係咁樣爬頭㗎喎。」
其他網民睇完片就表示：「風見車人（隼人）絕招，Lifting turn！」、「錢嘉樂都要拜佢為師啦」、「救車得嚟又不失霸氣」⋯⋯，仲話司機係隱世車神！

唔知呢位車神又有無興趣呢？
膠通消息來源：YouTube
睇更多！[有片] 雙層巴女車長雪中飄移　巴打：真正女車手！英國連日來都受到暴風雪侵襲，蘇格蘭愛丁堡更加有嚴重積雪。一名巴士女車長在風雪中使出高超技術飄移避開胡亂切線的車輛，非常犀利。

雙層巴士女司機羅莉（Charmaine Laurie），早前需駕駛一輛雙層巴士接載乘客於佈滿冰雪的公路上行駛，本身地下已經夠濕滑，非常難控制，突然間有一部黑色私家車無故轉向右方行車線，打橫停泊於兩條行車線中間。此時羅莉駕駛的巴士快將駛至，睇落就嚟要撞！
千鈞一髮之際，羅莉根本無得即時停車，好彩佢臨危不亂，使出高難度駕駛技術。先減慢車速並扭軚轉右，「飄移」與私家車「擦身而過」，安全避開。駛出真功夫，方為大師傅！