打風搞到呢班明星屋企失守　網民：呢次真係搞唔掂

:0:0

超強颱風山竹襲港，全港區受到嚴重破壞，即使在家也遭受強風破壞，而且好多高樓大厦畀強風吹郁，以下一班藝人都分享颱風期間嘅情況，當中有部分嘅屋企都受強颱破壞！
山竹襲港森美雪櫃被吹冧Cap嚟見我
森美受「山竹」影響，原定晚上接咗婚禮司儀騷嘅佢當然唔敢出街，佢話同主人家講咗除非安全情況下，否則唔會去，咁又真係冇辦法，命仔要緊！最慘仲係佢屋企外嘅走廊玻璃都爆咗，而放在露台的小雪櫃也被吹跌，幸未有撞爆露台玻璃，算不幸中之大幸！

森美趁風勢稍弱時，急急將雪櫃移回室內，佢話會喺電台節目再作分享，仲叮囑大家要小心！

佢又分享掛十號波期間，窗外嘅情況，淨係聽到好勁嘅風聲同雨聲！

「城嫂」方媛影冧樹而「城嫂」方媛（Moka）寫咗條微博，留言話：「希望山竹快點離去，大家一切小心，平安！」Moka條微博張附圖中見到，窗外幾棵樹都已經吹到斷枝，風勢真係好大。

蔡卓妍唔夠膠紙用蔡卓妍（阿Sa）在社交網貼屋企露台「災情」短片，見落地玻璃窗貼咗「X」型膠紙頂強風，放喺露台嘅盆栽幾乎吹冧晒，客廳地下攝晒毛巾防浸水。阿Sa留言：「好大風呀媽咪！隻窗不停Bom bom聲，窗縫不停foo foo聲，令我諗起『咆哮山莊』，大家記得留喺室內呀！安全安全！山竹快啲走
，真係勁過天鴿，上次啲植物都冇事，唔係唔想痴（黐）多兩條膠紙，冇時間去買，全屋膠紙用晒，10號風球！」吳日言留言：「張膠紙好似弱咗啲！」洪卓立就叫阿Sa：「用保鮮紙呀！」

View this post on Instagram
好熱呀！喵～ #涼吓個胳肋底先 #selfietime

[圖擷取自網路，如有疑問請私訊]