陳展鵬IG unfollow大波鬼妹　巴打：洗唔洗咁怕老婆呀？

:0:0

而家啲藝人，係咪臨結婚或者有新戀情嘅時候，就會將IG大清洗呢？早排Stephy鄧麗欣公開同「王子」邱勝翊拍拖之後，就將IG所有追蹤剷走晒，之後到胡定欣傳同張振朗撻著，佢同陳展鵬呢對過氣緋聞情侶就互相unfollow。最近到陳展鵬宣佈同單文柔結婚之後，就被人發現佢unfollow咗一個大波妹，係咪要向老婆「表忠」呢！
早前陳展鵬被網民發現佢喺IG follow咗個大波鬼妹！
Cap嚟見我

一睇啲相……陳展鵬真識嘆！

宣佈婚訊之後已經unfollow咗。

不過最搞笑係，佢連老婆單文柔都唔follow。

佢而家只follow一堆時裝品牌。

仲有follow一班大台嘅男同事。

一個女同事都冇follow。

同埋follow大台官方account。

真係一個小花級、阿姐級、幕前幕後嘅女同事都冇！

單文柔有follow自己老公。

單文柔嘅follower之中有3個「陳展鵬」，不過全部都唔係佢老公。

Cap by：陳展鵬IG、單文柔IG
胡定欣有新仔飛起陳展鵬　IG互相unfollow反面收場？胡定欣同陳展鵬兩年前拍攝大台劇《城寨英雄》傳撻著，在公在私都經常出雙入對，仲以「金童玉女」mode接job出活動，而觀眾就FF佢哋真係拍拖，呢pair螢幕情侶風頭一時無兩㗎！不過自從煎pang同真命女友單文柔公開戀情後，胡陳緋聞就不了了之，而近期胡定欣亦傳搭上新晉小生張振朗。
最近有網絡神探發現，胡定欣嘅IG竟然unfollow咗煎pang，而煎pang亦都唔見unfollow咗胡定欣喎！唔通胡定欣嬲咗煎pang公開戀情？

《城寨英雄》入面嘅拳佬同刁蘭情侶檔真係好得觀眾喜愛！

《城寨英雄》喺2016年萬千星輝頒獎典禮獲得「最佳劇集」，胡定欣同煎pang仲一齊奪得「最佳女主角」同「最佳男主角」，當時個畫面真係好sweet！

以前胡定欣都成日都會喺IG貼下同陳展鵬嘅劇照。

不過自從煎pang同單文柔撻著後，煎pang就「被失蹤」了！

做唔成真情侶，仲要互相unfollow，睇嚟佢哋連「螢幕情侶」都做唔成了。

理想與現實：觀眾勁希望佢哋成為真情侶！不過煎pang已經有真命天女單文柔，而胡定欣都疑似同張振朗發展中。

張振朗已經融入胡定欣嘅朋友圈子喇。

Cap by：TVB、胡定欣/陳展鵬IG、網上圖片
Stephy IG朋友大清洗　網民：吓！連佢哋都冇得留低？鄧麗欣（Stephy）自從上個月公開同棒棒堂成員邱勝翊（王子）嘅姊弟戀之後，口講就話想低調處理戀情，不過口裡說不，行動卻很誠實，不時喺網上放閃，又互相留言隔空傳情！愛得轟烈嘅Stephy，最近更加轟烈地喺自己嘅IG進行大清洗，一口氣刪除所有follow開嘅account，剩返3個有得留低，分別係自己嘅歌迷會、慈善機構「點滴是生命」，同埋最最最重要嘅——王子！