華姐冠軍余思霆晒泳裝　網民：MK馮盈盈正好多囉

:0:0

唔少人都覺得近年選美節目沒甚睇頭，三甲佳麗都難令人留下深刻印象，應屆港姐冠軍係好具爭議性的雷莊兒，咁應屆華姐冠軍余思霆你又記唔記得呢？話說余思霆早前決定簽約大台，獲派第一份工作，就係同陳凱琳、陳芷尤及陳婉衡等人拍攝旅遊節目《玩轉新加坡無限式》，期間大晒泳衣大合照，你話邊個最正呢？
余思霆應屆華姐冠軍Cap嚟見我
來自紐約的余思霆有着健康膚色及豐滿身材，加上陽光燦爛的笑容，如同一個活潑可愛美國女孩！喺華姐決賽第二環節中，余思霆戴上頭飾、手持火把扮演自由神像，再加上性感低胸裝及甜美笑容，令人難忘！之後又表演難度甚高的花式滾軸溜冰，儀態萬千，最終力壓林宣妤及馮盈盈成為國際中華小姐冠軍！（不過當時不少網民都戥馮盈盈唔抵，覺得馮盈盈陣MK味夠貼地先正。）

大家評吓理係咪馮盈盈正啲先？

仙氣亞軍林宣妤講到應屆華姐，唔少人都即刻諗起亞軍、來自馬來西亞的林宣妤，其標緻面孔及甜美笑容令人著迷，舉手頭足都散發陣陣仙氣，贏唔到冠軍有好多人替佢不值！不過佢同余思霆一樣已經加入TVB大家庭，嚟緊應該好多機會見到佢！

余思霆旅遊節目晒身材加入TVB的余思霆近日與陳凱琳、陳芷尤及陳婉衡等人拍攝旅遊節目《玩轉新加坡無限式》，期間大晒一張五位美女的泳衣大合照，陳芷尤導彈身材勁吸睛，不過余思霆、陳婉衡及宋雙佳都唔輸蝕，谷到行晒事業線。最驚喜都係嘉穎嫂陳凱琳，罕有地同樣以三點式現身，不過就巧妙地用飲品遮一遮心口，不至被比下去！