奶奶恨抱孫出絕招！偷偷刺穿兒子的___ 最終更搞出人命

:0:0

老友記好多時做事的方法和手段，身為後一輩人的我們有時真的不能理解。美國一位奶奶為了讓家族不要絕後，偷偷去刺穿兒子用的避孕套。正當奶奶落手之時被新抱發現，新抱後來還得知原來奶奶不是第一次這樣做。其後，新抱去驗身時發現自己真的懷孕了，但這位新抱表示，以後即使BB出世，也不敢讓他見嫲嫲。
撰文：叮叮｜原文刊於：Sunday Kiss｜編輯：YIU、Cyan｜資料來源：reddit |圖片：新傳媒資料庫、劇照
Cap嚟見我
奶奶反對夫婦二人不育的決定早前一個美國網民在Reddit討論區分享了一件奶奶令她非常生氣的事件。事緣這位女網民已婚，但是與老公有共識不想生BB，希望一直過二人世界。在剛過去的聖誕節，兩公婆決定跟奶奶坦白，表明二人不想生BB一事。豈料，奶奶聽完以後即刻發瘋似的指責他們不可以不生BB，因為他們不生的話家族血脈就會斷了！奶奶發完瘋以後，大家完全沒有心情繼續慶祝聖誕節，不過大家都低估了這位奶奶想抱孫的決心。

奶奶假借煮飯名義今個月初，奶奶登門拜訪，表示自己來煮晚餐他們兩人吃！突然間，奶奶就跟兒子說自己買漏了樣材料，於是叫他開車出去補買，兒子就不以為然，就出去買。怎料醉翁之意不在酒，奶奶之意不在煮飯，只是假借煮飯為名順理成章去兒子家裡，然後使出一招調虎離山之計，將他調離屋企，加上新抱仍未放工回家，所以屋企就只有蠱惑奶奶一個。

蠱惑奶奶於是走到兒子和新抱的睡房，拿出他們的避孕套。刺穿避孕套，讓兒子和新抱親熱的時候自己有機會得償所願！正在這個時候，新抱放工回家，看見奶奶拿著避孕套，似要想刺穿它！新抱也沒開聲，奶奶已經開口反駁說「我咁樣都係為咗頭家咋！」然後「急急腳」開車逃離案發現場，還差點兒撞到新抱的腳呀！

兒子與新抱決定不再理奶奶新抱非常生氣，即刻打給老公。經了解之後相信奶奶是獨自犯案，而老爺並不知情，故判老爺無罪釋放，而奶奶則判隔離刑，禁止奶奶以後再踏足個他們的家，就連奶奶的電話他們也不會再聽，新抱還在Facebook unfriend奶奶。由於新抱相信奶奶並非首次犯案，犯案技巧純熟，所以擔心自己會意外懷孕，因此預約了驗孕。

奶奶搞出人命沒料到，新抱真的驗出有了BB，新抱與老公商量過後決定會把BB生出來。不過有BB這個消息他們兩公婆就不打算告訴奶奶，而且以後小朋友出世，他們也不會讓BB見奶奶。老公知道老婆如此委屈後，就去找母親興師問罪，媽媽當然是死不悔改，揚言指：「我咁樣都係為咗頭家咋，新抱如果真係有咗你哋要多謝我呀！」、「如果新抱真係有咗，我一定要係第一個知！」新抱見奶奶如此瘋狂就打算報警備案，但可惜當時奶奶刺穿安全套的物證全都沒了，他們決定更改屋企門鎖和安裝閉路電視！又指如果奶奶再騷擾他們，會尋求律師協助，禁止奶奶再騷擾他們一家。

資料來源：Sunday Kiss
順便睇埋【1+1+1】視繼女如己出張達倫：我當佢係自己個女！藝人張達倫早年以《愛·回家》「嚴謹」一角成功入屋，佢同太太Kimmy早前更一齊參加由車婉婉主持嘅節目《1+1+1》。張達倫喺節目中透露，自己作為爸爸兼繼父，對囝囝同繼女一視同仁，更喺節目中再次讀結婚誓詞，令太太十分感動！
撰文：Kammy(原文刊於：SundayKiss)｜圖片來源：Instagram、節目截圖
暖男張達倫是好老公也是好爸爸現年40歲嘅藝人張達倫，曾參演《愛·回家》「嚴謹」一角而為人熟悉，劇中嚴謹玩世不恭，但現實中嘅張達倫卻係一名暖男。張達倫同太太Kimmy於2016年結婚，二人婚後育有一子張凱碩，以及Kimmy同前夫所生嘅15歲繼女Chloe，一家人生活幸福。

張達倫一家四口
張達倫喺節目中透露，Kimmy係哥哥讀酒店課程時嘅同學，當時對Kimmy印象最深就係對方嘅一頭短髮，但當時兩人都各自有男女朋友，其後Kimmy更曾與一名外國人結婚，育有一個囡囡Chloe。

張達倫喺節目中透露，Kimmy係哥哥讀酒店課程時嘅同學

張達倫當時對Kimmy嘅一頭短髮印象最深

幾年後，二人回復單身後再度重遇，更因有共同興趣而撻着。

張達倫同Kimmy因有共同興趣而撻着。

愛屋及烏張達倫：我永遠當佢係自己個女要做爸爸本身已經唔容易，而且要學習做「繼父」呢個角色更加唔係人人都可以勝任，但張達倫就以「繼父」同「朋友」嘅身份去同繼女Chloe接觸，佢曾經表示：「我哋關係十分之好，我同佢好似朋友，我都大唔透。喺呢個時代唔可以再用長輩同後輩之分，小朋友唔會想同你溝通，佢哋已經成日對住部電話，你再敦起個款佢哋睬你都傻啦，所以我同佢會保持朋友關係。」

張達倫太太Kimmy同囡囡Chloe張達倫喺節目中指，佢認為繼女雖然同自己冇血緣關係，但佢唔覺得有咩問題，更揚言「我永遠當佢（Chloe）係自己個女」，因為繼女係太太生命中一部份，如果唔接納根本就冇資格話愛對方。

張達倫指當繼女係自己個女咁看待

太太無懼從前經歷勇敢再婚Kimmy係重遇張達倫之前已經有過一段婚姻，車婉婉問到Kimmy點解會咁勇敢投入第二段婚姻，會唔會怕再重蹈覆轍，Kimmy坦言對從前嘅經歷唔會有恐懼，更因達倫嘅孝順性格而令佢對婚姻有信心。

Kimmy坦言對從前嘅經歷唔會有恐懼

Kimmy直指因達倫嘅孝順性格而令佢對婚姻有信心。

張達倫自擬結婚誓言感動太太張達倫表示，二人當初決定結婚係因為想生小朋友，雖然係目的明確，但達倫由求婚到結婚個刻所做嘅行動都絕不馬虎，因為佢認為呢個唔只係一個過程，而係對太太嘅承諾。

張達倫喺求婚時更對Kimmy唱出許志安嘅《你的男人》，當中一句歌詞「愛情令缺點有了知音」達倫認為好重要，因為每個人都唔係完美，好幸慶自己嘅缺點搵到人去接納，而呢個人就係Kimmy，佢令自己願意去學做一個真正嘅男人。

我盡力學習成為男人
有了你我會做事認真
珍惜一個人
終於改變一個人
愛情令缺點有了知音
你就是動力成全人生
（許志安《你的男人》）

張達倫對Kimmy唱出《你的男人》，超Sweet！到結婚誓詞更係張達倫一手包辦，由於佢哋兩公婆都熱愛行山，達倫就引用佢哋其中一次嘅行山經歷作比喻，只要有對方喺身邊，以後有咩困難都可以一齊度過，令Kimmy感動流淚，真係好Sweet呀！

曾因囝囝忽略老婆張達倫坦言，囝囝出世後因為將成副心機都投放喺囝囝身上，而一度忽略老婆，慢慢就開始反省自己嘅行為，認為要平衡兩方面，咁樣先可以維繫到夫妻間嘅關係。

視繼子女如己出圈中7位後父後母1. 雷頌德音樂才子雷頌德(Mark)早前與太太梁家玉(Jade)出名恩愛，原來二人在結婚時，Jade與前夫已育有一子。愛子深切的Jade直言：「當時如果他不接受兒子，或不疼愛他，我一定不會跟他結婚。」由於雷母亦是帶著自己再婚，Mark非常理解Jade當時的想法。於是，Mark在求婚前先向Jade的兒子Sean預告婚訊，並得到他的真誠祝福。梁家玉曾表示，雷頌德向來視自己為Sean的朋友，而非繼父，這種相處模式亦令二人關係非常要好。

2.楊卓娜楊卓娜下嫁「廣告燈箱大王」楊志翹後，更成了兩個女兒舒婷和舒雅的後母，丈夫因早年喪妻，遺下兩名女兒，後來卓娜成了她們的手工藝老師，繼而認識丈夫，舒婷和舒雅既是父母的女兒，更是父母的紅娘。早前，她曾在節目分享與家人相處之道時，更一度感觸落淚。她說：「我好希望佢嘅繼母會同佢哋媽媽一樣，俾到同等分量嘅嘢佢哋。雖然我先生嘅前妻已經唔係度，但係我同時都感受到佢做人媽媽嘅心情。每當我見到小朋友唔開心時，更加明白到作為人母嘅感受。」同時，她認為愛能解決一切煩惱，「我覺得愛同包容可以解決所有問題，但係呢種『愛』係一定要好無私、唔可以比較、唔可以拎去爭寵，係要包容。」

3. 徐若瑄徐若瑄（Vivian）嫁給新加坡富商李雲峰後，2015年生下兒子Dalton（小V寶），儘管已晉升幸福人母，對老公和前妻所生下的女兒仍疼愛有加、視如己出。Vivian曾被網友批評誕下兒子後，經常公開自己親生仔照片，而不再Post丈夫跟前妻所生的女兒照片：「最討厭看到妳們這種後母、整天只發自己親生的孩子」，結果佢在社交網站上反擊：「女兒已經步入青春期，有自己的同學，也到了會注重自己的形象和隱私階段，因此，每要發有關女兒的照片，都需要詢問過女兒的同意，這是我該做的基本尊重。若不夠了解，請不要任意批判別人的人生，更何況，女人何苦為難女人。」帖文一出得到唔少網民正面回應。