呢個女藝人又高調示愛　‘‘肯為你駛錢先叫愛你’’

藝人好多時拍拖都唔可以公開，好易見光死！不過又唔係個個藝人都咁低調嘅，好似葉璇咁，近日喺高調晒愛，原來男友隱形男友喺北京送咗幢別墅畀佢，其實睇番之前男友先後送過名車、鑽戒、禮物畀葉璇喇！對於連番厚禮，葉璇認為：「愈愛你的人，愈會主動為你花錢..」，相反「如果他對你一毛不拔，或者要等你央求才肯給錢，這種關係的本質就是施捨而已，不存在愛。​​​​」真係有樓有高潮⋯
葉璇隱形男友 送車又送樓Cap嚟見我
葉璇於微博自爆收到一幢北京别墅:「終放收房大吉了，吉時剪彩，感謝你給我一個這麼漂亮温馨的家！」唔少網友羨慕又妒忌，仲問佢同男友係咪好事近。
新舖剪彩就見過，葉璇收樓原來要剪彩，一定要住得舒適又要老嚟！
 
雖然葉璇公開有拖拍，但佢一直唔肯畀男友曝光﹐成日用豬頭公仔遮住男友，未知男方嘅廬山真面目！
又再睇番較早前嘅帖子﹐葉璇喺甜蜜發文：「真是天賜的禮物，連車架號都是520。當一個人主動為你花他辛苦掙來的錢，那他是愛你的，要珍惜。如果他對你一毛不拔，或者要等你央求才肯給錢，這種關係的本質就是施捨而已，不存在愛。​​​​」原來男友送咗架車畀佢，葉小姐立即晒車匙⋯
網民留言話葉璇男友送大禮物，令人羡慕，但葉璇回覆網友話：「不用着急，不難，他會在人群中一眼看中你，然後奮力把你追到，你甚麼都不用做。」仲話「愈愛你嘅人，就會愈為你花錢」！
收巨鑽晒相6月16日，葉璇又喺微博發功，上載男友送嘅鑽戒：「真的不明白，為甚麼不肯收貴重的禮物會被怒吼，好了，別生氣了，我收下了。鑽石恒久遠，一顆永流傳……Thank you for everything you’ve done for me（謝謝你為我所做的一切）」唔知係咪求婚戒指，葉璇最後對呢份禮物欲拒還迎，「勉強」收下，辛苦晒！


葉璇早前喺微博上載咗一張逛嬰兒用品店時為BB衫拍的照片，佢話買BB衫買到碌爆卡：「不是說好了三歲之前只用一塊布包着不要浪費錢嗎？怎麼看到可愛爆炸的就把卡刷（擦）爆啦？沒收信用卡的時候到啦！」

之後佢又話喺屋企招呼親朋好友，高朋滿座，但睇真啲其中一張相，葉璇的客廳放滿小朋友的玩具、圖書，變咗「兒童樂園」咁，大家都估佢係咪有孕⋯

但見葉璇近來po過玩彈床及騎馬相，點都唔會係有咗啦！
 

疑似同「小默先生」甩拖葉璇2015年同內地美容公司老闆小默先生公開戀情，關係反反覆覆，去年仲爆過分手，但之後又被影到情人節密遊三亞。不過葉璇就唔肯多講感情事，但就成日晒佢同隱形男友拍拖嘅甜蜜事，仲有禮物⋯


葉璇7月喺社交網晒出為男友慶生照，仲話：「吃燭光晚餐、看好電影、還贏球啦！這一晚特別浪漫和難忘！」雖然相中男士被豬仔圖案遮住樣貌，但就有網民話佢嘅身形同小默先生有出入，相中男士嘅手上冇紋身，而小默先生嘅手上有紋身，加上小默先生嘅生日係11月，而非7月，所以估計葉璇已有新歡！


人肉發電機有「人肉發電機」之稱的葉璇堪稱「小生殺手」，多年來同不少男星傳過緋聞，但隨着她近年北上大陸發展，口味亦漸趨「內地化」！
陳浩民2001年有傳葉璇同陳浩民合作無綫劇《封神榜》撻著，葉璇被拍得深夜在對方的寓所出入，2006年葉璇出書，不避嫌提起陳浩民這位緋聞男友。
林峯2001年葉璇與林峯合作無綫劇集《再生緣》及《雲海玉弓緣》傳緋聞，08年有傳兩人喺番禺夜店表現親暱，但林峯否認緋聞。2013年二人再合作《紫釵奇緣》，葉璇指雙方已十年冇聯絡！

霍建華有傳葉璇05年同台灣藝人霍建華因合拍劇集《天下第一》戲假情真，之後轉玩地下情。
李東學2011年葉璇與大陸男星李東學合拍劇集《第9個寡婦》時傳出撻着的消息，兩人十指緊扣出席活動，但葉璇指對方只是螢幕情侶。

久未在港露面的葉璇，自從北上發展後，樣貌同之前似乎有啲唔同！

Cap by：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁