唐詩詠囂張狂串黃翠如手車屎　昔日好姊妹反面收場？

唐詩詠同黃翠如呢對大台好姊妹，平時好少一齊合作做嘢，不過最近終於有機會一齊主持Big Big Channel新節目《兩個人四圍轆》，拍住上一齊揸車去「食好西」。第一集就由牌齡四、五5年嘅「新牌仔」翠如擔任司機，車住詩詠去搵食，不過由於翠如BB太過「安全駕駛」，俾詩詠狂串揸得慢，要去上駕駛改進課程，完全唔俾面！嘩！第一集就咁有火花，佢哋拍完呢個節目會唔會反面冇friend做㗎？
超安全駕駛
Cap嚟見我
翠如：「我想俾你安全嘅感覺！」
詩詠：「係好似冇郁過嘅感覺！」

攞咗牌幾多年？
「新牌仔」翠如：「四、五年！」
「老司機」詩詠：「我十幾年！」
詩詠：「去上駕駛改進課程啦！」
翠如：「我冇做錯嘢喎！」

詩詠：「呢度好多學車喎！」
翠如：「咪啱你囉！」
詩詠心諗，不如我揸好過啦~煩！

揸咗一陣車，終於去日本居酒屋買咗外賣下午茶，開餐！
估唔到佢哋斯文靚女，食起嘢上嚟大啖大啖咁，都幾豪氣喎！

互相餵食，好姊妹認證！
詩詠：「我架車好污糟！」
翠如：「大家都習慣咗啦！」

睇片
【兩個人四圍轆】第一集 翠如詩詠去搵好嘢食
【兩個人四圍轆】第一集翠如詩詠去搵好嘢食 藝人搵食難，意思是出街搵食難！而出名鍾意食又食極都咁瘦的黃翠如及唐詩詠，就一於很少理，照樣四圍去搵食！究竟佢地有乜好計謀，可以四圍搵食又唔怕被粉絲騷擾？就是買外賣上車食！ 第一集佢地就揀咗一間嚟自日本居酒屋嘅和風下午茶，一邊食一邊傾，原來佢兩個真係好鬼friend！#兩個人四圍轆 #黃翠如 #唐詩詠 #日本 #下午茶


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁