《特技人》小演員楊凱博搶晒鏡　網民：佢細細個已經係萬能KEY

:0:0

TVB新劇《特技人》今個星期開始播映，劇集以特技人為主題夠新穎，譚俊彥及朱晨麗呢對組合亦夠晒新鮮，令人期待！不過除了主角外，有唔少觀眾都留意到譚俊彥和小演員楊凱博，係繼之前《天命》飾演嘉慶皇帝和太子綿寧兩父子後，今次在劇中又係演兩仔爺，感覺二人默契更勝從前。有人仲笑說佢哋係「二百年後再一起」(側田〈命硬〉歌詞)！
嗱！CAP圖王就唔準你地問邊個係楊凱博！
Cap嚟見我
(最底開估)譚俊彥楊凱博《特技人》再演父子TVB新劇《特技人》於剛過去的星期一首播，劇集以特技人為主題夠新穎，譚俊彥及朱晨麗呢對組合亦夠晒新鮮，兩人更會為觀眾呈演多場汽車特技場面，都幾令人期待！其中唔少觀眾留意到譚俊彥和小演員楊凱博，係繼之前《天命》飾演嘉慶皇帝和太子綿寧兩父子後，今次在劇中又係演兩仔爺～

今次劇中兩父子互動多咗，搞笑咗，冇之前咁嚴肅！楊凱博寸爆老竇譚俊彥呢對劇中父子確係幾有火花，喺第一集初段已經交足戲，劇情講到楊凱博為正喺車房工作的譚俊彥送飯，兩仔爺的互動十分抵死，楊凱博仲寸到老竇冇聲出！

譚俊彥大呻連續三日都係食鐘點女工煮的通心粉，超級難頂，楊凱博竟然話：「你請蚊姐(鐘點女工) 係照顧我，你想食好啲就搵個女人啦！」

小朋友你都幾寸嘴喎！之後兩父子講講吓仲突然「過番兩招」，其實現實中楊凱博真係識功夫㗎！睇到下面你就知！

《天命》皇帝與太子無幾耐之前先大結局的《天命》中，譚俊彥及楊凱博都係做兩仔爺，分別飾演嘉慶皇帝和太子綿寧，不過兩人的互動都比較嚴肅，唔及《特技人》中咁過癮！譚俊彥接受傳媒訪問時，就直言同楊凱博確係默契十足，兩個人拍《特技人》時一齊生活咗幾個月，又一齊打功夫，佢透露之後會有更多兩父子的情節！

楊凱博之前喺《天命》反而係同皇額娘李施嬅較多對手戲。楊凱博真人幾靚仔㗎！
View this post on Instagram A post shared by 楊凱博 (@nonoyeung) on Aug 4, 2018 at 6:52pm PDT
View this post on Instagram A post shared by 楊凱博 (@nonoyeung) on Aug 2, 2018 at 9:21pm PDT
View this post on Instagram A post shared by 楊凱博 (@nonoyeung) on Jun 15, 2018 at 10:57pm PDT
View this post on Instagram A post shared by 楊凱博 (@nonoyeung) on Feb 3, 2018 at 7:27am PST
《城寨英雄》童年陳展鵬唔知大家仲記唔記得楊凱博有份演過早年大熱劇《城寨英雄》？《城寨》第一集劇情講述朝猛山(陳展鵬分飾)與段通天(袁偉豪分飾)同為八極門高手，二人不打不相識，合作對付惡霸。其中小演員楊凱博飾演朝猛山的兒子朝陽(即童年陳展鵬)，年紀小小但外表俊朗，而且有一身好功夫，令人難忘！