【下代Previa此中尋？】Toyota 燃電動Fine-Comfort Ride

豐田繼續以「唧牙膏」方式，逐啲公布月底2017年東京車展參展陣營。 今早公布咗一款燃電動（Fuel Cell）巴士及一款燃電動多用途車，稱為Fine-Comfort Ride。豐田喺燃電動車發展多年，筆者於2005年初曾到豐田東富士研究中心試駕Kluger，對其低扭強勁同行車寧靜印象深刻。呢款燃電動巴士名為SORA，SORA四字均來自英語中天空、海洋、河流及空氣嘅第一個字母。SORA可載79人（22個座位、56個企位及1個司機駕駛席）。SORA配兩組燃電動系統，每組可以輸出155匹馬力，推動兩組154匹馬力嘅摩打，峰值扭力各有34.2kgm。車上有10個高壓氫燃料缸，總容量為600公升。呢款巴士將於來年發售。預計喺2020年東京奧運，巿內將有100部SORA行駛。　Fine-Comfort Ride，車型、比例都同目前嘅Previa相似，屬六座概念車。配燃電動系統，入滿一次氣，可以夠行約1000km。Fine-Comfort Ride展示豐田仍然對類似Previa嘅MPV有發展意欲，我哋早喺年多前引述日本傳媒消息指，廠方遲遲唔為今代Previa轉款，一方面係要「賺到盡」，另外覺得Previa呢種形態嘅MPV仍然大有可為，亦都首批豐田燃電動MPV嘅示範平台。MenClub睇好Fine-Comfort Ride，相信日後將有第二階段嘅概念車型發展，Alphard/Vellfire係豪係舒服，但自用自駕嘅話，Previa真係仲有好多fans架，相信豐田係好清楚嘅。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁