【跌低自己起返身】Tamiya 遙控Dancing Rider唔怕「PK」

Photos: Tamiya JapanMenClub健一郎早前採訪喺東京舉行嘅「第57屆日本模型展」，真係好羡慕佢，可以率先近距離睇到咁多新產品。 花多眼亂，好嘢咁多，真係值得繼續follow up。田宮（Tamiya）今年發表名為Dancing Rider嘅1:8遙控三輪電單車，簡單一句，Dancing Rider類似日本或香港薄餅店常見嘅三輪電單車，見到啲送貨嘅車手，瞓晒身入彎，部車後面兩個轆仍貼住路面，勁過癮。Dancing Rider採用T3-01底盤，後輪驅動，servo唔會控制直接頭擔轉彎，而係靠擺動車身中央部份，令頭擔順勢擺向左或右，servo設有撐桿，當出現跌車情況，左右兩方嘅其中一支撐桿就會挺起車身，做到「邊度跌底就喺邊度起返身」。Dancing Rider以四粒3A電同摩打推動，車上嘅人型公仔，係出自同田宮合作多時嘅日本漫畫家有野篤先生手筆，唔怪得表情好似咁熟面口啦。Dancing Rider將以套裝形式出售，屆時會附送TRE-01「槍控」，一買一入電就玩得，電都懶得去充，售價未詳。


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁