《僵》好多嘢都未清楚交代，搞到好多人睇到一頭霧水！

前晚TVB重頭劇《僵》大結局，大玩“蟲洞”穿越時空，講謝安琪終於記起自己系未來人，仲同陳凱琳返未來拯救世界，而Kay最後亦同鄭嘉穎有情人終成眷屬。不過，由於劇集鋪排得太亂，好多嘢都未清楚交代，搞到好多人睇到一頭霧水！更有三大問題未解決！

問題一：陳凱琳自殺死唔去？
前一集講述陳凱琳設局令Kay受重傷，但後來陳凱琳好內疚，所以自殺。但到結局，Kay同陳山聰打鬥嗰陣，陳凱琳又突然出現。呢刻觀眾先知原來佢自殺死唔去，夠曬驚喜，睇到人O曬嘴。
因為妒忌鄭嘉穎同謝安琪相戀，多次陷害家姐謝安琪，令佢內疚到要自殺，不過鏡頭一黑，就唔知佢死咗未啦！


Kay惡鬥陳山聰慨嗰陣，陳凱琳出現幫手，但就冇交代過佢點解冇死……


問題二：究竟仲有冇殭屍？

大結局講到Kay終於記起自己系未來人，嚟到2015揾殭屍解藥，當佢揾到之後，就返咗去未來。但劇集就冇交代到佢點樣消滅殭屍病毒，同埋究竟佢係咪變返正常人啦。
Kay本身系未來人，但不幸染上殭屍病毒去到明朝，先有一連串慨事件發生。

揾到解藥，俾個蟲洞吸返去未來，但究竟之後佢有冇變返正常人？


問題三：究竟過咗幾多年？
鄭嘉穎係不死人，即係過咗幾耐都唔會死慨，而Kay同陳凱琳飛返咗去未來，應該去咗2115年，咁係咪即係代表佢哋一返到去，就可以見返一百年後慨鄭嘉穎？
到2115年，佢哋三個人相遇……個結局真係好求其咯！又無交代鄭嘉穎系點去到2115年，揾蟲洞？定係以不死人之軀等足100年？Kay又係點樣變返正常人……

既然仲有咁多問題，睇嚟TVB一定係想留返續集再講啦～即係，想學《我和殭屍有個約會》咁，搞返個《我和殭屍有個約會2》～如果咁慨話，你仲追唔追呀？


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁