世紀賤格警察！呃拍拖8年的女友，與同事結婚…女友都係睇facebook先知男友同人地結婚

:0:0

sponsored矇騙8年拍拖女友與同僚結婚，元配女友看facebook始發現！有無諗過一個同你攜手度過8年、信誓旦旦話同你下年結婚的人，聲都唔聲突然同另一個女人結婚? 而你只系睇facebook先發現「男友結婚了，新娘不是我?」結婚當天朝早仲噓寒問暖，下晝仲主動「報到」話放工好攰返屋企休息，但夜晚就系facebook被朋友tag結婚擺酒的相，令成個謊話曝光。駐守九龍某分區的賤警張X健 (Benjamin)喺2004年仲讀緊中學時已經同X小姐拍拖，一直感情要好，2009年年尾仲同X小姐開聯名戶口一齊儲錢，計劃儘快拉埋天窗。賤警於兩個月前出席X小姐表姐的婚禮時，仲當住一眾親朋戚友面前許下承諾，會喺下年中迎娶X小姐，令X小姐深信終於找到可付託終生的伴侶。12月6日晚(事發前2日)，賤警仍然上X小姐家過夜。12月8日早上(事發當日)，賤警仲what’s app X小姐，叫女友注意天氣涼要添衣。下晝仲同X小姐講自己剛收工好攰，會返屋企休息，晏D再搵X小姐。X小姐不虞有詐，豈料夜晚一個友人叫佢睇賤警facebook，X小姐一睇先發現拍左拖8年的枕邊人同另一女警擺酒結婚！sponsored

X小姐大受打撃，有邊個可以接受今朝仲情深款款的男友竟然可以咁對自己? 佢即時搵賤警問個究竟，但賤警一直唔接電話。2日後，賤警主動打返電話比X小姐，話對佢唔住，但好快就講出真正目的 — 問X小姐可唔可以拎返自己有份儲的錢！原來賤警已經同同僚一齊左2年半，今年11月21日系女警的生日，但賤警當晚竟然仲喺X小姐屋企過夜。回想過去的一切，X小姐頓感心寒，難以接受8年來一直痴心錯付比呢個幾近人格分裂的「狼君」。如果一個男人稍有良心，都唔會選擇用呢個方式傷害一個一齊左8年的情人。sponsored我地將呢件事寫出黎，系希望各位女士警剔，亦唔想賤警婚後再出黎「犯案」害人。當然賤格成咁慨男人未必咁易搵到，呢位賤警已屬極品。

[圖擷取自網路，如有疑問請私訊]