今朝順豐快遞打電話比我，初頭以為係騙案，陪佢玩下，點知原來係個職員想溝我

:0:0

sponsored今朝順豐快遞打電話比我，初頭以為係騙案，陪佢玩下，點知原來係個職員想溝我近排新聞係咁賣，騙徙又再創新手法呃我哋啲小市民，打嚟話你有咩重要文件未拎，企圖昆咗你副身家，我前兩日就接到一個中央打嚟嘅電話，我好豪氣唔理中央邊位就即係cut咗佢線。ヽ(`Д´)ﾉ以上都係碎料。今朝10點半左右，正在瞓覺發夢嘅我，被一通來自+1（786）開頭嘅美國電話打嚟嘈醒，我心諗中央打完過嚟依家到美國打嚟，我係咪咁把炮，睡眼惺忪下接聽電話：電：（普通話留言錄音）您好，你有一封重要的順豐快遞信件，如查詢請按0。我心諗：又係騙案？騙徙手法真係層出不窮！今次我唔cut線，睇你玩咩花臣。㩒0之後，嘟嘟聲後即轉駁到另一個電話，一位操國語的男士接聽。sponsored男：你好，順豐快遞，有什麼可以幫你？我：（未瞓醒講嘢一舊舊仲要係講緊普通話）蝦⋯梨滿打梨架喎⋯男：你是不是有件未收呢？我：嗯，你們說是⋯

男：請問有快遞號碼嗎？我可以幫你查一下。（無啦啦話我有件就叫我㩒0，邊有號碼⋯）我：沒有男：請給我您的名字，我幫你查一下。（嗱！想昆我個名！我唔會畀你呃到！）我：我姓林男：姓李？木子李？我：（是但啦一樣都係假嘅）是的⋯sponsored男：請問全名？我：李小芬，大小的小，芬芳的芬（剩係諗到啲最行嘅名）男：好的，現在核實你的出生年份，請問是19多少年？我：（又想昆我！又亂嗡先）93男：請問我打擾您休息了嗎？你在睡覺嗎？（皆因我未瞓醒有嚴重語障，以上我都係出盡力咬正字音，但都係被人發現我未瞓醒。）我：是的⋯

男：你男朋友在你身邊嗎？我：什麼問題？（我係咪聽錯？）男：你男朋友在你身邊嗎？我：嚇⋯？sponsored男：因為我想當你男朋友我：(´･Д･)嚇⋯⋯⋯⋯⋯⋯⋯？？？男：（突然唱歌）♪喜歡你～那雙眼動人～♪皆因小妹近排係度自我訓練無時無刻都可以喺夢中醒過來，所以我即刻本能反應檢查一下現實面。除咗呢個唱歌嘅男人之外，我身處在現實世界無誤。隨即呢首情歌恐怖無厘頭度急升，個心當堂離一離！嗚⋯小妹玩不起了⋯決定棄械投降即刻0.9秒9收線，就咁，我被人反將咗一軍⋯（´-`）.｡oO依家成個腦都係「♪喜歡你～那雙眼動人～♪」

[圖擷取自網路，如有疑問請私訊]