香港女仔口中要男仔既「上進心」...其實就係要有錢咁解

:0:0

sponsored香港女仔口中要男仔既「上進心」...其實就係要有錢咁解好多時係網上討論區見到有女仔話自己男朋友無上進心，唔知一齊落去有無將來，係呢個時候扲出黎討論，我既男仔friend就一定會加把口:「你地啲女仔成日話男朋友要有上進心，上進心既定義係乜先，知唔係講緊物質，見到人地個男朋友搵到錢買野俾佢就擺黎同自己個男朋友比。」的確上進心對每個人既定義都唔同，亦有一部分既女人係會放麵包係愛情前面，但我都好肯定肯陪男人捱既女人一定比較多，只係問題在於呢個男人值唔值得你陪佢捱呢？如果個女仔一開始就知道男仔無乜經濟能力，拍拖食老麥同大家樂其實無所謂，同自己鐘意既人一齊，食乜都一樣開心。但一個女仔最介意既係你曾經講過既承諾，你根本無心兌現。我諗好多女仔拍拖個陣都聽過:「我以後會努力工作搵多d錢等你以後唔洗捱得咁辛苦。」sponsored有邊個女人聽完之後會唔覺得感動？佢仲一定同自己講:我要陪佢捱到出頭。

但係年復年，如果你見到個男仔畢左業之後愈黎愈懶，由當初既雄心壯志變到hea得一日得一日，不分晝夜咁打機，說好了的進修同搵工遲遲都無實行，咁你仲會唔會同佢捱？大家要知道女人到左某個歲數就會有結婚呢個打算，想有一個安穩既家庭生小朋友。前幾日同好朋友傾電話,佢話:「我兩年前問佢想幾時結婚佢話兩，三年後;我前日再問佢諗住幾時結婚，佢都係答我兩，三年後。過多兩年我都就黎三十歲，到時佢會唔會再叫我等多三年架...?我懷疑佢根本無心同我結婚...」sponsored我都明既，男人事業先岩岩起步，唔敢俾太多承諾一個女人，佢怕最後兌現唔到。但係我想話你知如果一個女人愛你佢可以唔介意同你捱佢婚後可以繼續做野，公一份婆一份都無問題。但佢希望佢既男人會腳踏實地盡最大既努力去為家庭謀幸福。我相信只要你盡左力就算你做乜野工都好，一個真正愛你既女人係唔會介意。最怕係一個男人從頭到尾都無盡力。

[圖擷取自網路，如有疑問請私訊]