《男親女愛》全員合體成功，難道《男親女愛2》真係要開拍？

:0:0

子華神同法拉主演嘅舞台劇《前度》不止台上吸睛台下一樣星光熠熠連日嚟吸引咗唔少圈中人捧場而大家最期待嘅畫面終於出現咗！

16年前同子華合作成功製造神話嘅「Miss MO」 終於去咗支持E位最佳拍檔「阿Lok」 唔洗講真名都應該知道係邊個啦！ E對最受歡迎熒幕情侶子華神同DoDo姐 係E個moment終於再合體唔少網友都話「回憶全湧出嚟啊！」

其實每次子華神開show 深居簡出嘅DoDo姐一有時間都會去捧場！而子華亦曾經上過DoDo姐有份主持嘅電台節目所以話 E種愛就算隔咗幾耐冇見見到面都唔會覺得陌生，仲會互相支持！

而佢哋去年12月都有同《男親女愛》演員出嚟聚會 「阿Man」鄧健泓、「Apple」陳彥行、「James」蔣志光

據知，子華意欲原班人馬再合作全劇演員都贊成而揚言不再拍劇嘅DoDo態度亦開始軟化以子華嘅口才，要佢應承應該絕無難度嘅如果開拍故事將承接《男》劇結局「阿Lok」成為律師樓老闆後與「Miss Lok」感情亦發展順利故事圍繞多年後嘅變化

《男親女愛》E部100集嘅長劇一直係TVB處境劇嘅代表作原定50集，結果邊拍邊播好評如潮令佢不但成為名副其實嘅千禧年巨作 更掀起咗城中火爆話題榮登「TVB歷年收視率最高的電視劇」寶座最後一集黃子華與DoDo長達30秒嘅「世紀之吻」 突破50點最高收視紀錄大結局創下了平均47點、最高50點吸引301.8萬香港觀眾收看的「奇蹟」 此紀錄至今無另一港產劇打破

小編最鍾意睇「Miss Mo」同「阿Lok」鬥嘴一個自視甚高嘅女律師 遇上惡名遠揚嘅古惑師爺 牙尖嘴利嘅兩個人簡直火星撞地球

後嚟，無論TVB同子華安排幾多貌美如花嘅拍檔都無法打破佢同DoDoE對「最佳熒幕鬥氣冤家」嘅無敵神話

子華神演嘅阿Lok比「賤精先生」仲賤口臭嘴賤得理不饒人詐傻扮懵貪小便宜…… 缺點多到數到數唔曬但佢嘅本質都係善良嘅之前嘅一切只不過都係偽裝足以令人笑中帶淚

女主角DoDo亦都唔輸蝕長發飄飄、妝容精緻手拎名牌袋、踩住斗零踭抬頭挺胸，行路帶風但從表面嘅優雅完美到私底下嘅小市民氣卻只差一張紙嘅距離外表光鮮嘅佢都貪小便宜、會鬧人、會強詞奪理、會詐嬌、會小心眼、會死要面……

其實，係佢哋兩個嘅身上我哋都可以搵到自己嘅影子邊個唔懶？邊個唔算死草？邊個冇講過大話？正因為E部「神劇」夠曬真實先深受觀眾喜愛多年

阿Lok經典對白

天大地大，唔夠毛小慧玩得咁大；水深海深，吾夠毛小慧傷害得咁深。親戚嘅朋友即系『親朋戚友』啦。 House Bar 系我家，買one送一打。一千幾百，猶如垃圾，富貴於我如浮雲…… 但系浮雲於我如命根啊。

唔系too (two) much，系three much。人又老，錢又冇，老婆跟人走埋佬，分屍畀人攝落個灶。
做工呢樣嘢，不在乎天長地久，只在乎有冇得『透』。個樣眉精眼企，諗嘢獨孤一味，親戚唔理你。 Miss Mo經典對白

BT——bad taste」，「GT—— good taste 慧根就冇喇，窮根就大把。
女仔著衫要「有前有後，凍死罷就」。
你呢啲叫打電話，要打先通嘅。即刻卸膊，正一三尖八角。滋味麻利，做嘢唔企理，冇膽怕死，凈係識得翹手un大畀。佢行路搖風擺柳，冇嘢益老友。 如果真係有機會開拍！ 你哋仲會支持嗎？