拍拖1個月大家好假？拍拖1年後大家好核突！

前排2月14情人節、今日3月14白色情人節，好多人嘅朋友圈上一定出現咗唔少放閃相片。有啲系拍咗拖幾個月嘅情侶仔，亦都有拍拖好多年嘅「老夫老妻」，放閃方式唔同，但同樣咁sweet。小編就認為咧，拍拖一個月同一年嘅情侶相處方式系唔一樣嘅，好似呢啲：
【關於訊息溝通】
1個月：你喺度做咩啊？……(刪咗重寫) 喂喂！……(刪咗重寫)
1年：我啱啱屙咗一督超大督嘅屎！

【關於言語溝通】

1個月：哈哈哈，系未真架？好搞笑啊哈哈哈
1年：（唔講嘢都得，默契啊嘛……）

【關於水】
1個月：要唔要飲水啊？我斟俾你呀。
1年：地面好凍啊，我唔想郁，唔該斟杯水俾我！

【關於外出約會】

1個月：啊，呢件好似唔掂！呢只顏色佢會唔會鍾意呢？
1年：算啦，還掂都要著外套，入邊著乜都冇所謂啦。

【關於花錢買禮物】
1個月：情人節，梗系要送花俾你啦！
1年：你上次話用呢只款幾舒服，我見特價就買咗。順便買咗啲糖俾你，痛果陣食。



【關於對方不在身邊的日子】
1個月：（啱分開就發訊息）我好掛住你呀，你都要掛住我先得！
1年：（啱分開就發訊息）兄弟/姊妹們，琴日睇到間餐廳好似好正咁，不如一齊去啦？

【關於放屁】
1個月：死啦，我仲未準備好喺佢面前放屁，我頂唔順啦！救命啊！
1年：哼！論放屁，你夠我多屁咩？你有我啲屁咁臭咩？你覺得你會贏得到我咩？



【關於假日活動】
1個月：食飯，行街，睇戲，行山……
1年：瞓覺，沖涼，繼續瞓覺(′▽`〃)

【關於手碰手的瞬間】
1個月：準備要拖手仔果一瞬間仲系會心跳面紅
1年：喂！衰佬/衰婆！最後果件系我嘅！


Any肥，同啱嘅人一齊，過咗10年都一樣咁sweet，只不過比啱開始果陣更加自然。因為對方已經唔系其他人，而系你嘅另一半……不過，呢啲機會唔屬於小編……


来源：mp.weixin.qq.com




[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁