揀老公，就要揀張繼聰！

:0:0

張繼聰以前俾人叫做「廢柴老公」，之不過佢一啲都唔廢，仲要系真男人呀！佢老婆謝安琪完咗演唱會之後，就話要暫別樂壇，身為老公嘅佢都不知幾支持，仲喺網上post同老婆合照，向老婆示愛添！不過有網民就留言話阿Kay個樣假，搞到張繼聰火到嚟，仲親自回復網友，話阿Kay系真·漂亮呀！
張繼聰喺網上面贊老婆系女神，仲甜到漏向阿Kay示愛～

不過就有網民留言話阿Kay個樣假，張繼聰就向果位網友「求對話」！

其實阿聰，都唔止系第一次當眾向老婆示愛架啦，07年喺頒獎典禮講愛的宣言：「就算時光倒流幾多次，我都會娶你做老婆。」都不知幾經典，仲成日喺網上post相曬恩愛添！

揀老公，就要揀張繼聰！謝安琪，你真識食！

好多年前，還是學生的我，曾經極度迷戀一位女孩，但我對她近乎一無所知，甚至連樣都未見過，只被女孩磁性的歌聲深深吸引。

後來，這位神秘的女孩終於露出真身，原來是個箍牙妹。她的名字，叫謝安琪。
還記得她推出首張專輯《Kay One》的第一天，我立刻施展湯馬斯迴旋空中轉體7周半，飛去買下人生第一張真金白銀出錢嘅CD。
專輯裡有一首歌叫，當時我好想知道，呢位好腰好腎臭男人到底是誰。
當然，今日你我都好清楚，就是張太的老公謝生，張繼聰。
或者好多人都葡萄張繼聰，可以娶到這位好到冇得彈嘅女神，但你以為佢個位真系咁易坐？
少一點勇氣和EQ，你都未夠班。
2006年，張繼聰推出一首新歌，叫，「明張目膽」講明這是寫給Kay的情歌。
歌里一句「喜歡我那份臭味／會叫你失重天空里飛」，正是回應那句「是你這臭男人／使我天空飛」，冧到連我都毛管戙。

當年，這首贏盡不少掌聲，但人生就系估你唔到，誰會想到，幾個月後，他們兩口子會因為未婚懷孕一事，受盡千夫所指，形象插水。
那時候，張繼聰畀人鬧得最甘，話佢自己唔紅都算，仲要拖埋啱啱開始紅嘅謝安琪落水，一齊攬炒。
換轉你是他，可能早已崩潰。

經歷這種人生馬戲團，他仍然企得好硬，甚至希望更加努力，為對方付出更多。
2008年1月1日的叱吒樂壇頒獎禮，他奪得創作人大獎，上台致辭：
「我想多謝我太太，同埋我個仔。喺過去一年，我聽過好多祝福嘅說話，都聽過好多難堪嘅說話。我記得有一晚，我睇住我太太瞓覺。果晚系一個好大壓力嘅晚上，我好難過，唔知道可以講咩說話安慰佢。我同我自己講，我一定會好好照顧我太太、照顧我個仔。無論時光倒流幾多次，我都會娶你做我老婆。」聽到這裡，坐在台下的謝安琪，忍不住落淚。

如果這就是ending，之後就是格林童話的最後一句：「他們快快樂樂生活下去」，你話幾好？
然而，事實卻是獲獲新鮮獲獲甘。
年幾之後，榮登「樂壇神台」的謝安琪捲入「K臣欲照風波」，被指她與陳奕迅拍下一幀親熱床照，幾乎日日C1頭條都見到他們。
雖然流料成分居多，但身為她的老公，眼見老婆被傳媒跟車太貼、日夜攻擊；眼見自己被老屈戴綠帽，你以為「謝安琪老公」這五個字真的容易carry？
就算自己唔嬲，凈系諗點樣安撫另一半，已經夠你腦筋急轉彎，諗到頭爆。
幸好，他沒有逃避問題，甚至一而再再而三挺身而出，為老婆擋箭，陪她走出陰霾。
偶爾聽到女士們講起點揀另一半，又要風趣幽默、又要有錢、又要成功須父干乜乜乜，其實這全是其次。

識揀一定揀張繼聰這種人。
他未必好有錢，只夠大家生活；未必得到大家的認同，甚至有人笑佢冇料，但無論你站在高山或者低谷；受盡萬人擁戴或者眾叛親離，他總是對你不離不棄，更會越難越愛、越來越珍惜你。
「不離不棄」四字，講好容易，但有幾人做到？
希望張繼聰和謝安琪能夠一直走下去，就好似《載我走》這首歌一樣，「一起走稍稍作歇息／鄉郊中望海／遺下兵荒都市／繼續競賽」。
PS. 近年張的電視演出《老表，你好嘢》、《老表，你好hea》都很精采，但其實他的歌曲創作亦很出色，大家不妨花點時間留意一下。

[圖擷取自網路，如有疑問請私訊]