【真人真事】我曾經係PR 夜總會小姐

:0:0

sponsored 我依家同緊男朋友一齊... 佢係到執緊文件。可能夜晚既關係，令人會不斷回想以前。係上年個呢個時候。2015 4 月我去左一間俗稱的傳銷公司。當然要加入間公司係需要$$。不過依個係頭外話。我本身有份穩定的工作。點解會去左做夜總會？我遲啲再講多啲。我點解會去做夜總會小姐？因為錢。佢500一個小時。比起正常番工一日都可能只有300-700 。500一小時真係吸引架！！

sponsored 我番過三間。第一間我上網搵係中環。半山區。佢上面有兩層。下面有間酒樓。可能有少少知道係邊一間野了。佢要求化妝。連身裙。高跟鞋。加要set 頭。呢de我自己平時都有著。所以對我黎講不是問題。而且如果果日唔記得左或者趕唔切番去公司仲有得借裙同高跟鞋比你。唔洗擔心。亦有化妝。set 頭。即是話。只要你個人番去，其他都可以執。如是者我第一日番去。佢6:00-7:00 有飯比你食。都ok 架。唔難食。果陣我冇乜錢係身。少餐飯錢支出對我黎講好重要。咁食完就上去等客到啦。講真。個環境靚。又唔吵。而且全部房又乾淨。個老闆我好欣賞佢。可以做到夜總會之父係佢本事。

sponsored 我第一番去。有個女人跟住我。佢都係一個有味道既女人。日本人識講廣東話。由於我之前未接觸過夜埸。亦什少去club 玩。根本唔識。佢教我應該可以點融入個氣氛啦同點避酒。個日本女仔教完我野之後就叫我上去等客。有個位置比女仔坐。冇野做可以玩手機同其他女傾計幾句。當有客果陣會帶你入去。試檯十分鈡。咁試檯都會比$ 你。即使個客唔要。我果陣冇諗咁多野。覺得。500 一小時。番夠幾多日又有勤工。勤工都有二萬。我以前一個月都得萬五。仲要未計你坐。對於經濟困難既我。真係條件好似好好！我試頭幾次。都唔岩。可能因為我冇點出聲。又發呆既關係。唔要我啦。終於有個教我玩幸運適。一路玩。一路傾計。佢冇對我有任何毛手毛腳。就咁玩左兩個鐘。佢果檯就走左。sponsored 咁我果日冇其他檯坐了。番夠6 個鐘就可以收工。果日有$$ 一千以上。個人好開心。咁就可以有$$ ? 唔怪得咁多女仔番pr ..