名校PAGE:「我爸爸係消防員, 點解香港消防員同香港警察待遇差咁撚多...」

:0:0

我爸爸都係消防員，唔高級，但係都應該熟悉平時消防員嘅待遇。見大家喺望上面都開始討論消防員嘅人工，我都有向我爸爸了解過佢地嘅待遇。
喺牛頭角嘅嗰班消防員，食飯時間連飯盒都冇個，淨係得個杯麵。佢哋捱更抵夜，三十幾度仲要去火場救火。嗰度火係熱到可以由三樓消到上四樓，平時由樓下消上樓上嘅都要通過d可能係lift嗰d消，但係今次係直接熱到樓上嘅嘢都著火。

再加上棟樓又斜咗又出現裂痕，話就話未有倒塌嘅危險，但係會唔會倒塌又邊個會知，個個估估下咁。班消防員係冒住生命危險過去，午飯得個杯麵，夠黐牙？聽爸爸講，好似係上環嘅某隊消防員計埋食飯唞咗三個鐘，又要去牛頭角替更。
之後爸爸又分享佢自己嘅經曆，佢話有次係遊行，佢哋消防同d警察一齊做嘢。

當午飯嘅時候，佢哋望住班警察有一車車飯盒、m記送過去俾警察食。而消防呢，水都冇支，話就話有架canteen van，但係就泊到幾條街遠，佢哋做嘢已經攰到想死，仲要有得休息嘅時候要佢哋行幾條街排隊斟杯水。最後佢地要問警察有冇嘢食淨，好似乞食咁先問到班警察要一箱嘢食大家分。
真心唔明點解消防處對d消防員咁刻薄，人工低都算啦，點解連待遇都要咁差。
班議員又唔知做乜_，去火場影相係咩意思。真係唔該要做嘢就幫手出句聲幫下d消防員，幫佢地爭取好少少嘅福利完全唔過分掛。
最後，無論大家對我以上講嘅嘢有咩質疑都好，但係我所講嘅完全係事實。或者你哋有咩唔同意都唔緊要，但係唔該一定要尊重我地班消防員。