(男仔一定會明) 香港男性永遠都唔及女生幸運，香港男人的生理期

:0:0

sponsored 好香港男性永遠都唔及女生幸運，香港男人的生理期...不幸，我係一個男性，仲要生係香港。上有高堂，雖未有妻房，但有一多年女友。屋企唔係咩小康之家，應該連普通都稱唔上。每每只係不斷入不敷支咁日復日，月復月咁捱。細細個，我已經知道要努力讀書。點解要努力讀書，我知。係因為要搵更多錢，去改善生活。中小學，係人生過得最精彩最開心既時間，呢個係真。面對既只係讀書，其餘只係好開心咁玩。同時，我亦悟出我唔係讀書既材料。我好喜歡去學習唔同既知識，只係無辦法克服到香港既教學制度。唔好講中學畢業講副學士，香港地連大學畢業一街都係。sponsored 為左每個月多二千既起薪點。

就係咁，每季每個月都係到還緊政府六位數字既款項。當然，好多人靠知識脫貧，好成功好勵志。但同時，更多既人係失敗，一直係貧窮既旋渦打轉。我好愛我女朋友。讀書既時候，可以m記一餐，坐公園一日就快快樂樂。sponsored 佢從來無任何恕言。好誠實，望住身邊人。每個男人都想比佢一個幸福既家。每個人都想生活過得好，唔係結婚就要買樓，係無樓無可能生活到。公屋申請有排等，首期更加唔好諗。六合彩先係香港人最有可能買樓脫貧既方法。望住一座座既高樓大廈，金融之都。除左專業人士，地產，倫敦金。社會根本容不下我們存在。地產傳單既樓盤好似唔洗錢。780，465，388，你唔好話後面有個萬字。就算只係780，465，388蚊，望下銀包都唔會有。工作上，所有中至上既位置都係四十歲至六十歲既人。一係你等佢退休，一係你等到四十歲。sponsored 社會話年輕人唔願意努力唔願意捱，係廢青。唔係未試過捱，每日做足12個小時換黎既只係應份兩個字。每日只係搭車來回，已經用上兩小時。

口中一邊想港鐵收檔，但自己每日就繼續逼地鐵。係因為除左地鐵外，無交通工具負擔到。食飯，更加唔洗講啦。sponsored 好多社會高地既人會講，一個m記22蚊姐，有幾貴。講就輕鬆，你估未試過一星期三餐m記。每個月都入不敷支，租金交通食飯家用，有邊樣唔係錢。我唔係要儲錢買金炒股，只係想普通咁生活。香港人可以有咩興趣。創意？咪玩啦，創意留返諗地產個四字成語啦。睇波，個幾百蚊台費都比唔起。音樂，咪玩啦邊有錢。運動唔洗錢啦？係呀，放工仲邊有時間。香港地恍惚就為大陸人而設。比佢地運水貨，炒樓，連生活必需品都炒到越來越難負擔。香港地寧願死都唔好病，除非有多餘錢去睇醫生。應該係連死都唔好，骨灰你有錢放嗎？當教育教簡體字，社會無民主，我完全明白問題係邊。sponsored 但我無資格去爭取，每日只係諗點交費用，手停口停，全家食甚麼。可能係香港，女人會更加好。最少有得選擇家境好小小既男人。當然，女人亦有其他煩惱，唔係以偏概全。男人，好多都無父幹無得選擇。我唔洗夢想，唔需要理想。我只係想好好可以同家人，另一半開開心心生活。移民？有咁多錢，我就買左屏風樓un un腳炒股。有人話世界好多人慘過你，我明白。但確實我認為咁比無意思，我無辦法講我生活得好幸福。由細到大，老師話香港係福地，先進又無天災，話香港人好幸福。香港的確無天災，但面對既問題比天災更令人唏噓。有人話女人生理期個幾日好辛苦好煩惱，呢個我明白。sponsored 但香港地男人既生理期係一世，當然女人亦面對好多問題，我只係舉例。細個我諗，點解咁容易放棄生命，關關難過關關過，實有出路。到大個，我終於明白，生存係香港真係要好勇敢，死亡真係每日離得好近。但望望兩老同身邊人，你知道必需走下去，捱下去。世界好美好，只係作為窮人，香港唔美好。如果有得選擇，我唔想係香港人，唔想係香港生活。香港窮人上。

[圖擷取自網路，如有疑問請私訊]