男朋友一直都對我好好，但原來佢一直都有中出緊其他女

:0:0

sponsored 男朋友一直都對我好好，但原來佢一直都有中出緊其他女...我同我男朋友K一齊咗三個月，我地嘅故事有啲長，所以真係要麻煩曬你地俾少少耐性睇曬佢。我喺美國讀書，K喺上年十一月就啱啱好喺澳洲讀完準備今年四月再番去行禮。而我同佢喺舊年暑假番香港一個朋友I嘅生日會到識嘅，一直都冇聯絡直至八月佢叫我喺美國幫佢買啲嘢，我地就開始日日傾計，到九月我地仲開始日日skype。當時個生日會其實係我女仔朋友L叫我去嘅，後來L就同我講K呢個人講嘢信一成就好，K把口好叻好識氹人，叫我千祈唔好上當。我開頭都係抱住同佢做朋友嘅心態同佢傾，即使佢成日同我傾計都加好多啜嘴心心emoji，做到好明顯係對我有意思，一直都對佢有戒心。直至同佢越嚟越好傾，佢提出話要嚟美國搵我，我見佢當時每日都會花好多時間同我skype，又會間唔中寄禮物氹我開心，我又開始對佢有好感然後就應承俾佢嚟。sponsored

K未同我一齊嘅時候，佢有同我講過以前拍咁多次拖都係同啲女仔順其自然咁一齊，從來都唔同人表白。我就同佢講覺得咁樣唔好，一定要搞得清清楚楚，容乜易趙完鬆然後又話冇一齊過。嚟到美國第二日佢就想錫我，我就同佢講我地未係男女朋友唔可以咁，迫佢開口表白，然後佢就問我可唔可以做佢女朋友。其實佢喺美國嗰一個月好照顧我，所有事都好就遷就我，仲好錫我，甚至佢上個月番咗香港都會好關心我日日同我skype，仲同屋企人去旅行見到我鐘意嘅嘢都會買定俾我俾surprise我，我見佢對我咁好我就好天真咁諗會唔會係佢拍咗拖就對女朋友好好。sponsored 直至前幾日我喺個朋友嘅whatsappgroup入面傾計，傾傾下我個friend突然爆響口話「L話你男朋友喺上兩個星期去澳門嗰時 ( 男朋友話去澳門係搵婆婆拜年，佢有影埋相俾我睇 )問喺澳門嘅一個澳洲舊女同學一唔一齊喎」。我睇到當下即刻搵L求證，因為L嘅情報係絶對可靠，結果我男朋友真係背住我問其他女仔同唔同佢喺埋一齊，雖然個女仔冇同佢一齊，但呢啲事絶對冇得原諒。我知道咗之後，我竟然一啲想喊嘅意欲都冇，反而淨係諗住點同佢講分手嘅同時又可以俾全世界知佢係一個賤人。

sponsored 四月一號我就讀完曬書番香港，於是我諗住唔好即刻篤爆佢住，一直扮唔知，喺香港繼續同佢扮到好恩愛咁，佢呢啲老江湖偷食開有條路，一定好多方法掩飾，但我相信如果佢係慣犯佢一定會有蛛絲馬跡留低，然後一次過用佢Instagram account po曬啲罪證上網同用direct message send 曬俾佢所有識得嘅人。不過我諗諗下唔對路，因為我懷疑我有啲不雅照片喺佢手上 ( 鐘意一個人真係乜都做得出，之前同佢skype嗰陣兩個人都情到濃時…唔知佢有冇 cap圖 ) ，所以我一定要用一個溫和嘅分手方法，千祈唔可以刺激到佢，但又想同時話佢知我知道佢偷食，唉對唔住，我而家心情真係好複雜同矛盾。我覺我男朋友真係好撚恐怖，點解可以做到講大話仲面不改容？到今日都係可以句句話「bb我好掛住你」「好想你快啲番嚟」，又喺ig到up相又tag曬我，另一邊就喺到叫其他女仔同佢一齊，又會同其他女中出。即使我知道關於佢以前嘅衰嘢係真嘅，佢都會死口唔認，我仲發覺佢有好多嘢瞞住我。佢而家對我講嘅嘢有幾sweet，我都係冇感覺，但又要扮到好似仲好愛佢咁。佢表面功夫做得真係好好架，佢本身四月五至十九號飛番澳洲行畢業典禮，佢仲為咗見多我十日改機票延遲到十五先飛去澳洲。sponsored 多謝你地花時間睇曬我打嘅嘢，正所謂「一次不忠，百次不用」，我而家真係好煩惱要用咩分手方法先係最好。我想做啲佢好討厭嘅事迫佢同我講分手，等佢做醜人又唔怕刺激到佢，定係應該我搵到佢啲罪證就和藹地同佢講分手？

[圖擷取自網路，如有疑問請私訊]