「晶」版白素惹負評　網友：史上最好J一定唔係佢！

上星期TVB播出余文樂主演的《冒險王衛斯理之支離人》，可惜劇集口碑一般，被指跟原著大相徑庭。其中女主角白素由「晶女郎」胡然飾演，負責騷身材的重任… 其實「晶女郎」身材夠爆係基本要求啦，2011年出道的胡然喺多部劇集同電影都以火辣身材為賣點，連扮觀音都要性感！？
「晶女郎」胡然演性感白素Cap嚟見我
《冒險王衛斯理之支離人》中，女主角白素由「晶女郎」胡然飾演，職業仲設定為國際刑警，不過胡然喺劇集中唔多展示到聰明絕頂同身手敏捷的一面，因為最重要的任務，當然就同歷代晶女郎一樣，就係騷身材！

雖然大部分時間密密實實，但其中一幕見到胡然一身白色性感睡衣，狂谷34E噴血身材，又有白滑美腿，晶女郎果然唔會令人失望！
胡然被王晶力捧現年28歲的胡然，為現被王晶力捧的國內「晶女郎」之一，胡然於天津長大，大學時期主修同演藝完全無關的電子信息工程系，後來因朋友介紹認識王晶才入行成為「晶女郎」，以劇集《大唐雙龍傳之長生訣》出道。

胡然於電影造型火辣胡然出道至今拍過唔少電影同劇集，肯搏肯捱，最緊要肯露！但佢最廣為人知的電影應該係2015年於《賭城風雲2》中的性感演出，飾演女殺手的胡然除了身手了得，更狂騷自己34E的噴血身材，眼球當時真係完全被胡然吸引住！
《賭城風雲II》電影劇照。《賭城風雲II》電影劇照。除了上述提到的《賭城風雲II》，仲有13年上映的《古惑仔：江湖新秩序》、16年的《王牌逗王牌》等，胡然出鏡的性感程度可謂一絕，不比一眾「晶女郎」前輩輸蝕！

又話說王晶導演去年有部奇幻電影叫《降魔傳》，胡然喺片中飾演觀音… 不過佢演觀音亦不忘性感，佩服！
戲裏戲外同樣性感誘人胡然戲內可能已經慣於性感打扮，所以平日佢間唔時都會在個人社交網上放上性感泳裝相，令一眾網友粉絲可以大飽眼福！


樣靚身材正的胡然，著起泳衣都特別有睇頭！

 
 
蒙嘉慧版白素深入民心在小說《衛斯理》系列中，衛斯理曾形容白素身材修長，嫵媚至極，係個絕頂美女。之後在多部作品中，都突顯出白素的過人智慧、身手高超及情深義重。雖然過住都有幾個女藝人曾飾演白素，不過喺在香港觀眾心目中，無綫於2003年劇集《衛斯理》中的蒙嘉慧版白素肯定係最經典！
蒙嘉慧所演的白素已經係15年前。外剛內柔當年的蒙嘉慧樣貌標緻、身材高佻修長，同原著中白素確有幾分相似，每次一襲白衣出場都勁有仙氣，帶點cool的外表更演繹出白素的外剛內柔。不得不提的是，蒙嘉慧當年演白素時原來都已30歲，但感覺還是非常年輕！當然今時今日的Yoyo仲係好靚女啦。


當年無綫所拍的《衛斯理》中，故事講述羅嘉良飾演的衛斯理與白素之間的關係，兩人由冷淡到互生情愫，呢方面都算符合了原著。另外，當年有份演出的演員，仲有前排好紅的唐文龍、以及大家好熟悉的「KC」歐瑞偉。
唐文龍當年飾演白素的哥哥白奇偉。KC好年輕呀！好耐冇見蒙嘉慧現年44歲的蒙嘉慧，1994年起已經開始拍電影，有著清秀可人的外表及高佻修長，大導演杜琪峯當年都對Yoyo甚為欣賞。2000年加入TVB後，佢演出唔少膾炙人口的劇集，一直穩坐無綫當家花旦之位，至2013年方離巢。


嫁伊健做幸福人妻蒙嘉慧與鄭伊健因打羽毛球結緣，拍拖約七年後，2013年時與伊健在東京拉埋天窗，婚後Yoyo逐漸淡出幕前，專心做個幸福人妻，享受家庭生活！

蒙嘉慧近年已甚少會在公開場合亮相，不過睇番啲相其實佢都算keep得幾好，天生麗質、加上養尊處優確係寧舍不同～

舒淇都做過白素雖然蒙嘉慧可能係大家心目中演白素的經典，但其實早喺2002年時，電影《衛斯理藍血人》中，舒淇都有扮演過白素，唔知大家仲有冇印象呢？
當時，舒淇所演嘅白素仲要係隸屬FBI。電影截圖。Cap by：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁